Բարձր գին ենք վճարել սխալների համար․ Ալեն Սիմոնյանը՝ 44-օրյա պատերազմից քաղած դասերի մասին

© Photo : official site of the National Assembly of RAВстреча спикеров НС Армении и Греции Алена Симоняна и Константиноса Тасуласа (20 октября 2021).
Встреча спикеров НС Армении и Греции Алена Симоняна и Константиноса Тасуласа (20 октября 2021).  - Sputnik Արմենիա, 1920, 09.11.2021
Բաժանորդագրվեք
Հայաստանի և Արցախի օդային տարածքի անվտանգ լինելու վերաբերյալ հարցին ԱԺ նախագահը ուղիղ եթերով նախընտրեց չպատասխանել։
ԵՐԵՎԱՆ, 9 նոյեմբերի – Sputnik. Արցախյան 44-օրյա պատերազմը և 1 տարի առաջ նոյեմբերի 9-ին ստորագրված եռակողմ համաձայնագիրը ևս մեկ հնարավորություն էր՝ վերաիմաստավորելու ու առաջ գնալու՝ սխալների վրա սովորելուց հետո։
Այս մասին ԱԺ նախագահ Ալեն Սիմոնյանն ասաց ԱԺ-ում շուշեցի հայազգի ճարտարապետների գործերի ցուցադրության ժամանակ լրագրողների հետ ճեպազրույցում։
Արցախը երբեք չի լինելու Ադրբեջանի կազմում. ԱՀ արտգործնախարարության հայտարարությունը
«Ես չեմ ուզում գնահատականներ տալ, դրանք հայտնի են։ Կարող եմ ասել, որ սա մեզ համար ևս մեկ հնարավորություն է վերաիմաստավորելու ու առաջ գնալու՝ մեր սխալների վրա սովորելուց հետո»,- նշեց ԱԺ նախագահը։
«Այդ առումով շատ կարևորում եմ նաև քննիչ հանձնաժողովի ստեղծումը, որի ստեղծման գաղափարը մեր կողմից առաջ քաշվեց։ Կարծում եմ, որ այդ հանձնաժողովի աշխատանքը շատ կարևոր է և արդյունքները կարող են որոշիչ դեր ունենալ մեր ապագայի համար»,-ասաց նա։
Նիկոլ Փաշինյանն այցելել է «Եռաբլուր» զինվորական պանթեոն - Sputnik Արմենիա, 1920, 09.11.2021
Նիկոլ Փաշինյանը լուսաբացին այցելել է «Եռաբլուր»
Հայաստանի և Արցախի օդային տարածքի անվտանգ լինելու վերաբերյալ հարցին ԱԺ նախագահը ուղիղ եթերով նախընտրեց չպատասխանել։ Նա միայն ընդգծեց, որ թուրքական «բայրաքթարները», որոնցով Արցախյան 44-օրյա պատերազմի ժամանակ ադրբեջանական կողմը հարվածներ էր հասցնում, առաջին անգամ էին կիրառվում, և հայկական կողմն էլ աշխարհում առաջինն է եղել, որ դրանք խոցել է։
Հիշեցնենք, որ Արցախյան 44-օրյա պատերազմը սկսվել է 2020 թվականի սեպտեմբերի 27-ին՝ վաղ առավոտյան։ Մեկ տարի առաջ՝ 2020 թ. նոյեմբերի 9-ին, Ռուսաստանի Դաշնության միջնորդական ակտիվ ջանքերի շնորհիվ ստորագրվել է Ռուսաստանի նախագահի, Հայաստանի վարչապետի և Ադրբեջանի նախագահի եռակողմ հայտարարությունը։ 44-օրյա ագրեսիայի արդյունքում Ադրբեջանն օկուպացրել է Արցախի Հանրապետության տարածքների զգալի մասը, այդ թվում՝ պատմամշակութային կենտրոն Շուշի քաղաքը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала