Պարտադրանք չի եղել. Շիրակի մարզպետը խոսեց ՔՊ–ի ծրագրերի, «կադրային ջարդի» և իր եղբոր մասին

© Sputnik / Armenuhi Mkhoyan նազելի Բաղդասարյան
նազելի Բաղդասարյան - Sputnik Արմենիա, 1920, 09.11.2021
Բաժանորդագրվեք
Պաշտոնը ստանձնելու առաջարկից հետո Նազելի Բաղդասարյանը երկար է մտածել:
ԵՐԵՎԱՆ, 9 նոյեմբերի – Sputnik. Պատգամավորի մանդատից հրաժարված ու մարզպետի պաշտոնը ստանձնած Նազելի Բաղդասարյանը հերքում է, որ իր նշանակումը կարող է որևէ կապ ունենալ դեկտեմբերին մարզի մի շարք համայքներում կայանալիք ՏԻՄ ընտրություններին ընդառաջ ՔՊ դիրքերն ամրացնելու հետ: Այս մասին նա հայտարարեց այս պաշտոնում տված իր առաջին ասուլիսի ժամանակ։

«Այո՛, ՏԻՄ ընտրության արդյունքերը եղել են ազդակ, ու թիմի ներսում որոշակի փոփոխություններ իրականացրել ենք։ Չեմ թաքցնում` այս կադրային փոփոխությունը կապված է դրա հետ, բայց մարզպետը քաղաքական պաշտոն չէ: Այո՛, իմ համար կարևոր է ՔՊ հաղթանակը համայնքերում, բայց շարունակելու եմ գործել իմ լիազորությունների շրջանակում` իմ առջև դնելով միայն ու միայն Շիրակի մարզի զարգացումը»,-նշեց մարզպետը:

«Քաղաքացիական պայմանագիր» կուսակցությունը վերջին շրջանում 4-րդ մարզպետին է նշանակում Շիրակի մարզում։ Նազելի Բաղդասարյանը սա համարում է աշխատանքի արդյունավետություն։
«Որոշ պաշտոնավարումների դադարեցումներ կապված են եղել օբյեկտիվ պայմաններով, որոշները՝ սուբյեկտիվ, բայց մարզպետի պաշտոնը զբաղեցրած մեր նախորդ բոլոր գործընկերներն այս պահի դրությամբ այլ պաշտոններ են զբաղեցում»,–ասաց Շիրակի նորընտիր մարզպետը։
Հովհաննես Հարությունյանի վերջին մամուլի ասուլիսը Շիրակի մարզպետի սենյակում (4 նոյեմբերի, 2021թ․). Գյումրի - Sputnik Արմենիա, 1920, 04.11.2021
Շիրակի մարզպետի պաշտոնն ամենապատվաբերն էր. Հարությունյանը խոսեց արածից ու խնդիրներից
Լրագրողական փորձ ունեցող մարզպետն անչափ կարևորում է չորրորդ իշխանության դերը, կադրային փոփոխություններին էլ կողմնակից չէ:

«Կադրային փոփոխության մասին խոսելը անտեղի է։ Ես կարճ ժամանակահատված հնարավորություն եմ ունեցել աշխատել մարզպետարանում, հանրույթին ծանոթ եմ, հանրույթի կարողություններին ծանոթ եմ, գնահատում եմ յուրաքանչյուրի նվիրումը, պարզապես ավելի մեծ եռանդով և ջանքով պետք է աշխատենք»,-ասաց նա։

Անդրադառնալով այն տեղեկություններին, թե իր եղբայրը՝ Արման Բաղդասարյանը, նշանակվելու է Գյումրի համայնքի ղեկավարի տեղակալ, մարզպետը նշեց, որ նա առանձին անհատ է, արն ինքն է պատրաստակամություն հայտնել լինել այս գործընթացում` որևէ հավակնություն չունենալով փոխքաղաքապետի պաշտոնի։
Հովհաննես Հարությունյան - Sputnik Արմենիա, 1920, 17.10.2021
Ոչ թե կաշառք, այլ աջակցություն. Շիրակի մարզպետը` ընտրություններից առաջ բաժանված փողի մասին
«Փոխքաղաքապետի անունը կապել իմ ընտանիքի անդամի հետ` այս պահին անհիմն և անտեղի գործընթաց է»,–հայտարարեց Բաղդասարյանը։
Մարզում խնդիրները շատ են, նորանշանակ մարզպետի համար որպես առաջնահերթություն գյուղական բնակավայրերում անօևանների խնդիրն ու վթարային շենքերն են։
Հիշեցնենք` Նազելի Բաղդասարյանը Շիրակի մարզպետ է նշանակվել նոյեմբերի 8–ին կառավարության գրավոր ընթացակարգով ընդունած որոշմամբ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала