Ռուս խաղաղապահներն Արցախում պարեկություն են իրականացրել ԲՏՌ-ներով

Բաժանորդագրվեք
ԵՐԵՎԱՆ, 9 նոյեմբերի – Sputnik. Ռուսաստանի խաղաղապահ զորակազմի զինծառայողները Արցախում կողմերի սահմանազատման գծի երկայնքով պարեկություն են իրականացրել։
Պարեկային խմբերը ընդհանուր օգտագործման ճանապարհներով և գրունտային դժվարանցանելի ճանապարհներով մի քանի կիլոմետրանոց երթ են իրականացրել ժամանակակից ԲՏՌ-82Ա զրահափոխադրիչներով և բարելավված անցունակությամբ «Ուրալ» մեքենաներով` անցնելով շրջանի հեռավոր բնակավայրերով:
Ռուս խաղաղապահներն Արցախում ապահովում են գյուղատնտեսական աշխատանքների անվտանգությունը
«Ռուս խաղաղապահներն ամեն օր պարեկություն են իրականացնում Արցախի Մարտակերտի, Մարտունու, Ասկերանի, Շուշիի շրջանների տարբեր երթուղիներով, ինչպես նաև Լաչինի միջանցքի երկայնքով։ Պարեկության ընթացքում հետևում են հրադադարի ռեժիմի պահպանմանը, օդային իրավիճակին և հարցում են իրականացնում տեղի բնակչության շրջանում», – ասել է ռուսական խաղաղապահ զորախմբի ներկայացուցիչ Մաքսիմ Սազոնովը։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
Ռուս խաղաղապահներն Արցախի դպրոցականների հետ դասընթացներ են անցկացրել․ տեսանյութ
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала