Հայաստանյան ընկերությունը միանում է ԵԱՏՄ–ում քաղաքացիական ինքնաթիռների արտադրությանը

© Sputnik / Asatur YesayantsԱրխիվային լուսանկար
Արխիվային լուսանկար - Sputnik Արմենիա, 1920, 10.11.2021
Բաժանորդագրվեք
Հայկական ընկերությունից բացի ներկա պահին ծրագրով հետաքրքրված են ԵԱՏՄ ևս շուրջ 80 ընկերություններ։ Ցանկը վերջնական չէ. այն բաց է բոլոր ցանկացողների համար։
ԵՐԵՎԱՆ, 10 նոյեմբերի – Sputnik. Հայաստանյան ընկերությունը հետաքրքրված է ԵԱՏՄ տարածքում քաղավիացիական ինքնաթիռների համատեղ արտադրությամբ։ Խոսքը «Էջմիածնի գործիքաշինական գործարան» ՓԲԸ–ի մասին է, որը ՀՀ միակ ընկերությունն է, որ հայտ է ներկայացրել ԵԱՏՄ հիշյալ ծրագրին մասնակցելու համար։
Հայկական ընկերությունից բացի ներկա պահին ծրագրով հետաքրքրվել են ԵԱՏՄ ևս շուրջ 80 ընկերություններ։ Ցանկը վերջնական չէ. այն բաց է բոլոր ցանկացողների համար։
«Դյուցազն» ընկերության և «Իրական դպրոց»-ի սաների համատեղ ստեղծած լազերային ռազմական սիմուլյատոր - Sputnik Արմենիա, 1920, 04.11.2021
Փեյնթբոլից ավելի լուրջ․ Հայաստանում նոր մակարդակի ռազմական սիմուլյատոր են ստեղծել
Ծրագիրը քննարկվել ու հաստատվել է նոյեմբերի 9-ին կայացած Եվրասիական տնտեսական հանձնաժողովի նիստում։ Դրանով Եվրասիական տնտեսական միության անդամ երկրներին առաջարկվել է համագործակցել քաղաքացիական ինքնաթիռների արդյունաբերության ոլորտում։

«Այս փաստաթուղթը կարող է կատալիզատոր դառնալ համատեղ համագործակցության նախագծերի իրականացման համար, ինչպես նաև նպաստել Միությունում արժեշղթաների ստեղծմանը»,- ԵՏՀ նիստում ասել է արդյունաբերության և ագրոարդյունաբերական համալիրի նախարար Արտակ Քամալյանը։

Ծրագրով նախատեսվում է ԵԱՏՄ երկրներում ավիացիոն սարքավորումների, բաղադրիչների և հարակից արտադրանքի արտադրություն իրականացնել` ներմուծվող արտադրանքը տեղում արտադրվածով փոխարինելու և դրանով իսկ ԵԱՏՄ երկրների տնտեսական և տեխնոլոգիական անվտանգությունն ապահովելու նպատակով։ Միության երկրների արտադրողներին առաջարկվում է ներգրավել նորարարական, հեռանկարային և բարձր տեխնոլոգիական ապրանքների համատեղ արտադրության կոոպերատիվ շղթաներում։
Разработки лаборатории виртуальной реальности Knoxlabs - Sputnik Արմենիա, 1920, 24.07.2021
Մտքի ուժ և տիեզերք. հայազգի ինժեները նոր սերնդի կառավարման սարքի նախատիպ է պատրաստել
ԵԱՏՀ–ն հավանություն է տվել ԵԱՏՄ երկրներում քաղաքացիական ինքնաթիռների շինարարության ոլորտում 2021-2025 թվականներին արդյունաբերական համագործակցությունն ընդլայնելու ծրագրի ճանապարհային քարտեզին։ Այն առաջիկայում կուղարկվի կողմերի հետ համաձայնեցման։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала