ԲՀԿ-ական նախկին պատգամավորն ազատ է արձակվել կալանքից

© Sputnik / Максим Богодвид / Անցնել ֆոտոբանկМолоток судьи
Молоток судьи - Sputnik Արմենիա, 1920, 12.11.2021
Բաժանորդագրվեք
Նախկին պատգամավորի փաստաբանը հայտնել է, որ արդարությունը վերջապես հաղթել է։
ԵՐԵՎԱՆ, 12 նոյեմբերի - Sputnik. «Բարգավաճ Հայաստան» խմբակցության նախկին պատգամավոր Ջանիբեկ Հայրապետյանն ազատ է արձակվել։ Տեղեկությունը ֆեյսբուքյան իր էջում գրել է փաստաբան Ռաֆայել Ամիրխանյանը։
ՀՀ վերաքննիչ քրեական դատարանը, նախագահությամբ դատավոր Ալեքսանդր Ազարյանի, բավարարել է պաշտպանի բողոքը` բեկանելով առաջին ատյանի դատարանի որոշումը, ինչի արդյունքում էլ Հայրապետյանն ազատ է արձակվել։
Օբյեկտիվության մասին չի կարող խոսք լինել. Տոնոյանի գործով բողոքարկել են դատախազին
«Ի վերջո, արդարությունը հաղթեց, իսկ պարոն Ազարյանը ևս մեկ անգամ ապացուցեց, թե որն է իրական դատավորի բուն առաքելությունը` իսկական արդարադատություն իրականացնելը», - հայտնել է փաստաբանը։
Հիշեցնենք, որ նախորդ ամիս` հոկտեմբերի 23-ին էր հայտնի դարձել, որ Հայրապետյանը կալանավորվել է։ Նրան ձերբակալել էին հոկտեմբերի 22-ին։
Հայրապետյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով՝ դիտավորությամբ առողջությանը ծանր վնաս պատճառելը, որը վտանգավոր է կյանքի համար։
Դատարան - Sputnik Արմենիա, 1920, 09.11.2021
«Էլիտար» դատավորների թվակազմը հաստատվեց. կառավարությունը որոշում է ընդունել
«Ժողովուրդ» օրաթերթը գրել էր, որ նախկին պատգամավորը 2016–ի մայիսի 9-ին Եղվարդի խճուղում վիճաբանության է բռնվել մի խումբ անձանց հետ ու ծեծել Երևանի բնակիչ Վաղինակ Սահակյանին: Հայրապետյանը հարվածել է Սահակյանի դեմքին, զրկել ձախ աչքից։
Նշված դեպքի առթիվ նախապատրաստված նյութերի ընթացքը հօգուտ իրենց լուծելու համար, ըստ թերթի, Հայրապետյանը մի խումբ անձանց միջնորդությամբ իրավասու պաշտոնյաներին խոշոր չափի կաշառք է տվել, որի դիմաց թաքցվել է նշված դեպքին Հայրապետյանի մասնակցության փաստը, իսկ կատարված արարքը մեղսագրվել է ոմն Գևորգ Բայադյանին:
Ապագա դատավորները քննություններ են հանձնում
Օրաթերթը նաև գրել էր, որ գործով տուժողն անցած տարի մահացել է, և ստացվում է, որ գործով տուժողը չկա, նախկին պատգամավորի դեմ ցուցմունք տվող չկա։ Իսկ քրգործ հարուցելու պատճառը, ըստ թերթի, այն է, որ Հայրապետյանն այս տարվա խորհրդարանական ընտրություններին ներքին կարգով աշխատել է «Հայաստան» դաշինքի օգտին՝ երկրորդ նախագահ Ռոբերտ Քոչարյանի թիմի համար, և նրան որոշել են այսկերպ «պատժել»։
Հայրապետյանը ԱԺ պատգամավոր էր ընտրվել 2018 թվականի դեկտեմբերի 9-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала