Կարապետյանն ու Շմիդտը կարևորել են ԶՈւ–ում կանանց վերաբերյալ ծրագրի շարունակականությունը

© Photo : official site of MoD of RAԱրշակ Կարապետյանն ընդունել է Մարտինա Շմիդտին
Արշակ Կարապետյանն ընդունել է Մարտինա Շմիդտին - Sputnik Արմենիա, 1920, 12.11.2021
Արշակ Կարապետյանն ընդունել է Մարտինա Շմիդտին
Բաժանորդագրվեք
Ծրագիրն օժանդակում է կին զինծառայողների համար հավասար հնարավորությունների ապահովման ուղղությամբ զինված ուժերում իրականացվող աշխատանքներին։
ԵՐԵՎԱՆ, 12 նոյեմբերի – Sputnik. «Մարդու իրավունքները և կանայք Հայաստանի զինված ուժերում» ծրագրի անցկացման մանրամասներն են քննարկել ՀՀ պաշտպանության նախարար Արշակ Կարապետյանը և Եվրոպայի խորհրդի երևանյան գրասենյակի ղեկավար Մարտինա Շմիդտը։ Տեղեկությունը հայտնում է պաշտպանության նախարարությունը, հավելելով, որ Կարապետյանն այսօր ընդունել է Շմիդտին։
© Photo : official site of MoD of RAՄարտինա Շմիդտը
Министр обороны РА Аршак Карапетян принял руководителя ереванского офиса Совета Европы Мартину Шмидт (12 ноября 2021). Еревaн - Sputnik Արմենիա, 1920, 12.11.2021
Մարտինա Շմիդտը
Նշենք, որ «Մարդու իրավունքները և կանայք Հայաստանի զինված ուժերում» ծրագրի ԵԽ գրասենյակն է իրականացնում։ Ծրագիրն օժանդակում է զինծառայողների իրավունքների և հիմնարար ազատությունների իրացման, իրազեկվածության բարձրացման, կին զինծառայողների համար հավասար հնարավորությունների ապահովման ուղղությամբ զինված ուժերում իրականացվող աշխատանքներին։
Բացի այդ, ծրագիրը նպաստում է ՄԻՊ ռազմավարությամբ նախատեսված միջոցառումների արդյունավետ իրականացմանը, ինչպես նաև զինվորների, նրանց ընտանիքների, զինհաշմանդամների, զոհված, անհետ կորածների ընտանիքների սոցիալական և առողջապահական իրավունքների ոլորտը կանոնակարգող օրենսդրության ուսումնասիրության հարցում փորձագիտական աջակցության տրամադրմանը։
Նշվում է, որ զրուցակիցները կարևորել են ծրագրի շարունակականության ապահովումը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала