Մայր աթոռը կորոնավիրուսի դեմ պատվաստվելու հարցում հոգևոր, կրոնական որևէ վտանգ չի տեսնում

Հոգևոր խորհուրդ - Sputnik Արմենիա, 1920, 12.11.2021
Հոգևոր խորհուրդ
Բաժանորդագրվեք
Մայր աթոռը հայտարարություն է տարածել` ասելով, որ համավարակի ներկա պայմաններում անձնական ազատությունը պետք է համադրվի հանրային պատասխանատվության հետ։
ԵՐԵՎԱՆ, 12 նոյեմբերի – Sputnik. Մայր աթոռը կորոնավիրուսի դեմ պատվաստվելու հարցում հոգևոր, կրոնական որևէ վտանգ չի տեսնում։ Նման հայտարարություն է տարածել Մայր աթոռի տեղեկատվական համակարգը` հավելելով, որ Գերագույն հոգևոր խորհուրդը, քննարկելով Հայաստանում համավարակային իրավիճակը, ցավով է արձանագրել վարակվածության և դրանով պայմանավորված մահացության թվերի աճը։
«Գերագույն հոգևոր խորհուրդը վերահաստատեց Մայր աթոռի դիրքորոշումն առ այն, որ կորոնավիրուսի դեմ պատվաստումը հոգևոր վտանգ չի ներկայացնում։ Կարևորվեց, որ համավարակի ներկա պայմաններում անձնական ազատությունը խստորեն համադրվի հանրային պատասխանատվության հետ՝ չվտանգելու համար սեփական և այլոց կյանքերը»,–նշված է հայտարարության մեջ։
Արխիվային լուսանկար - Sputnik Արմենիա, 1920, 12.11.2021
Ազատազրկման վայրերում կորոնավիրուսով վարակվածների թիվն ավելացել է. նախարար
Միաժամանակ, հոգևոր խորհուրդը բարձր է գնահատել բժիշկների և բուժաշխատողների՝ մարդկային կյանքեր փրկելու նվիրյալ ծառայությանը։ Բացի այդ, անհրաժեշտ են համարում, որպեսզի առողջապահության ոլորտի պատկան մարմինները միջոցներ ձեռնարկեն պատվաստման օգտակարության և հետևանքների վերաբերյալ հակասական տեղեկությունների տարածումը կանխելու ուղղությամբ՝ համավարակի դեմ պայքարի արդյունավետությունը բարձրացնելու համար։
Նշենք, որ տարբեր լուրեր էին շրջանառվում, թե պատվաստվելը դեմ է կրոնական համոզմունքներին։
Գերմանիայի հավաքականի ֆուտբոլիստներից մեկը չի գա Երևան. նա վարակվել է կորոնավիրուսով
Հայաստանում կորոնավիրուսով վարակվածների թիվը վերջին մեկ օրում ավելացել է 1309-ով և դարձել 326 830: Վերջին մեկ օրում կորոնավիրուսից մահացել է 70 մարդ, վարակի զոհ դարձածների ընդհանուր թիվը 6937 է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала