https://arm.sputniknews.ru/20211112/qanaqeri-spanutjunneri-gvortsvov-dzerbakalvel-e-5-andz-4y-nakhkin-patgamavvori-vordinern-en-35260701.html

Քանաքեռի սպանությունների գործով ձերբակալվել է 5 անձ․ 4–ը նախկին պատգամավորի որդիներն են

Քանաքեռի սպանությունների գործով ձերբակալվել է 5 անձ․ 4–ը նախկին պատգամավորի որդիներն են

Sputnik Արմենիա

ՀՀ քննչական կոմիտեն շարունակում է ակտիվ գործողություններ կատարել դեպքի հանգամանքներն ու մասնակիցների շրջանակը պարզելու ուղղությամբ։ 12.11.2021, Sputnik Արմենիա

2021-11-12T12:11+0400

2021-11-12T12:11+0400

2021-11-12T12:50+0400

հիվանդանոց

հհ քննչական կոմիտե

սպանություն

երևան

քրեական գործ

քանաքեռ

ձերբակալություն

պատգամավոր

որդի

https://cdn.am.sputniknews.ru/img/07e5/0b/0b/35222690_0:23:1600:923_1920x0_80_0_0_23638d3f0f632e0220d320e44eece113.jpg

ԵՐԵՎԱՆ, 12 նոյեմբերի – Sputnik. Երևանի Քանաքեռ-Զեյթուն վարչական շրջանի 16-րդ փողոցի տներից մեկի բակում նոյեմբերի 11-ին տեղի ունեցած կրակոցների հետևանքով 4 անձի սպանության գործով ձերբակալվածների թիվը հասել է 5-ի։Տեղեկությունը հայտնում է ՀՀ քննչական կոմիտեի մամուլի խոսնակ Վարդան Թադևոսյանը։Նա նշեց, որ ձեռնարկված միջոցառումների արդյունքում պարզվել է ենթադրյալ հանցագործություն կատարած անձանց ինքնությունը։Sputnik Արմենիայի տեղեկություններով` ձերբակալվածներից 4-ը ՀՀ ԱԺ նախկին պատգամավոր Արտուշ Սիմոնյանի որդիներն են։Հիշեցնենք, որ դեպքը տեղի է ունեցել նոյեմբերի 11-ին, ժամը 02։50-ի սահմաններում։Քանաքեռի 16–րդ փողոցի տներից մեկի բակում հնչած կրակոցներից հետո այնտեղ հայտնաբերվել է 43 և 47 տարեկան 2 տղամարդու դի, ինչպես նաև 28 հատ տարբեր տրամաչափի պարկուճ, 12 գնդակ, 4 ատրճանակ և 2 ինքնաձիգ։Նրանցից մեկը քրեական աշխարհում հայտնի Արթուր Ղազարյանն էր՝ «Քանաքեռցի Տույը», իսկ մյուսը` ՀՀ ԱԺ նախկին պատգամավոր Արտուշ Սիմոնյանը, որը հայտնի է որպես Տյուշ։Նույն հասցեից 4 անձ հրազենային տարբեր մարմնական վնասվածքներով տեղափոխվել են Երևան քաղաքի «Հերացի» թիվ 1 համալսարանական հիվանդանոց և «Միքայելյան» վիրաբուժության ինստիտուտ: 2–ը հիվանդանոցում մահացել են։Փաստի առթիվ Երևան քաղաքի քննչական վարչությունում հարուցվել է քրեական գործ ՀՀ քրեական օրենսգրքի 104-րդ հոդվածի 2-րդ մասի 1-ին և 6-րդ կետերով (սպանություն), ինչպես նաև 235-րդ հոդվածի 1-ին մասով(Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)։Նախաքննությունը շարունակվում է։

https://arm.sputniknews.ru/20211111/hajtni-e-vovqer-en-mahacel-qanaqeri-krakvocneric-nrancic-meky-nakhkin-patgamavvor-e-35222308.html

https://arm.sputniknews.ru/20211111/qanaqerum-krakvocner-en-hnchel-4-mard-mahacel-e-35213338.html

երևան

քանաքեռ

2021

Լուրեր

am_HY

հիվանդանոց, հհ քննչական կոմիտե, սպանություն, երևան, քրեական գործ, քանաքեռ, ձերբակալություն, պատգամավոր, որդի