Սանհանգույցի դուռը բացվել է դեպի սննդի սենյակ․ «Էլկայի» գործունեությունը կասեցվել է

© Sputnik / Алексей Мальгавко / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 12.11.2021
Բաժանորդագրվեք
Մանկական զարգացման կենտրոնում առկա խնդիրներն ու խախտումները վերացնելու համար սահմանվել է ժամկետ։
ԵՐԵՎԱՆ, 12 նոյեմբերի – Sputnik. «Էլկա» մանկական զարգացման կենտրոնում սննդային թունավորման դեպքի պատճառով կենտրոնի գործունեությունը կասեցվել է։ Տեղեկությունը հայտնում են ՀՀ ՍԱՏՄ իրազեկման, խորհրդատվության և հանրության հետ տարվող աշխատանքների բաժնից։
Իրականացվող վերահսկողական միջոցառումների արդյունքում կենտրոնում հայտնաբերվել են սանիտարահիգիենիկ նորմերի կոպիտ խախտումներ։

«Մասնավորապես՝ չեն ապահովվել հիգիենիկ պատշաճ գործելակերպի կանոնները՝ ներառյալ խաչաձև աղտոտումից պաշտպանումը, նախատեսված չեն եղել համապատասխան տարածքներ՝ աշխատանքային գործիքների և պարագաների լվացման, ախտահանման և պահման համար, սանհանգույցի դուռը բացվել է անմիջապես սննդամթերքի մշակման սենյակի մեջ»,- նշում են ՍԱՏՄ-ից և հավելում, որ կենդանիների, միջատների մուտքը սննդամթերքի պատրաստման, մշակման, պահման և տեղափոխման տարածքներ կանխելու համար նույնպես միջոցներ չեն ձեռնարկվել։

Կենտրոնում չեն եղել նաև սանիտարական գրքույկներ, անձնակազմը չի ենթարկվել նախնական ու պարբերական բժշկական զննությունների։
«Էլկա» մանկական զարգացման կենտրոնի գործունեությունը կասեցվել է, իսկ խախտումների վերացման համար սահմանվել է ժամկետ:
Հիվանդանոց - Sputnik Արմենիա, 1920, 10.11.2021
Սննդային թունավորման կասկածով հիվանդանոց է տեղափոխվել «Էլկա» կենտրոնի ևս 2 երեխա
Հիշեցնենք, որ նոյեմբերի 9–ին սննդային թունավորման կասկածով «Մուրացան» համալսարանական հիվանդանոց է տեղափոխվել 8 երեխա, որոնցից 5–ի վիճակը ծանր էր, 3–ինը` միջին ծանրության։ Երեխաները «Էլկա» մանկական զարգացման կենտրոնի սաներ են՝ 8-11 տարեկան: Եվս 2-ը Ինֆեկցիոն ազգային կենտրոն էին տեղափոխվել նոյեմբերի 10-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала