https://arm.sputniknews.ru/20211113/chei-spasum-vor-gradskin-kshrjvi-sem-azatjany-shvoui-yntacqum-anaknkalneri-masin-35317692.html
«Չէի սպասում, որ Գրադսկին կշրջվի»․ Սամվել Ազատյանը՝ շոուի ընթացքում անակնկալների մասին
«Չէի սպասում, որ Գրադսկին կշրջվի»․ Սամվել Ազատյանը՝ շոուի ընթացքում անակնկալների մասին
Sputnik Արմենիա
Հայ երգիչը «Голос» նախագծի «կույր լսումների» ընթացքում կատարեց Մայքլ Ջեքսոնի Black or White երգը 13.11.2021, Sputnik Արմենիա
2021-11-13T17:17+0400
2021-11-13T17:17+0400
2021-11-13T17:33+0400
«ձայնը»
հայ
երգիչ
տեսանյութ
մայքլ ջեքսոն
սամվել ազատյան
https://cdn.am.sputniknews.ru/img/07e5/0b/0d/35315667_0:0:1056:594_1920x0_80_0_0_dbdb5875693348ed199aec84f3c89b1b.jpg
ԵՐԵՎԱՆ, 13 նոյեմբերի – Sputnik, Լիլիթ Հարությունյան. Հայտնի ռուս երգիչ և կոմպոզիտոր Ալեքսանդր Գրադսկու ընտրությունն անակնկալ է դարձել 22-ամյա հայ երգիչ Սամվել Ազատյանի համար: Այս մասին երգիչն ասաց Sputnik Արմենիայի թղթակցի հետ զրույցում։Ավելի վաղ գրել էինք, որ Ալեքսանդր Գրադսկուն շատ է դուր եկել Սամվելի ելույթը, և երգահանը նրան տարել է իր թիմ։«Չգիտեմ ինչու` ես վստահ էի, որ կանցնեմ, բայց չէի սպասում, որ հենց Գրադսկին կպտտվի։ Իմ երգացանկը ժանրային առումով ավելի հարմար է Բիլանին, բայց ահա թե ինչպիսի անակնկալներ են լինում շոուի ընթացքում»,-ասաց Սեմը։Երգչի խոսքով՝ սա առաջին միջազգային երաժշտական մրցույթն է, որին ինքը մասնակցում է։ Հայտ ներկայացնել նրան հայրն է հուշել։ Երիտասարդ երգիչն ուղարկել է հայտը և մոռացել այդ մասին։«Կույր լսումների» այս թողարկումը վերջինն է։ Հաջորդ փուլում, որը կոչվում է «Մենամարտեր», հանդիսատեսն արդեն զուգերգեր տեսնելու հնարավորություն կունենա։Սեմը մանրամասներ չբացահայտեց` ասելով, որ հեռուստատեսությամբ արդեն հաջորդ շաբաթ կցուցադրվեն դուետները։ Սակայն հետաքրքիր դուետ խոստացավ։Սամվել Ազատյանը ծնվել և մեծացել է Երևանում։ Յոթ-ութ տարեկանում, դաշնամուր նվագելիս, նա սկսել է երգերի մոտիվներ հորինել, որոնք հետագայում սկսել են լիարժեք կոմպոզիցիաներ ձևավորել։Արդեն մոտ հինգ տարի է, ինչ նա իր մտերիմ ընկերոջ հետ, որը հնչյունային ռեժիսոր է, իր երգերն է ձայնագրում և հրապարակում դրանք համացանցի երաժշտական հարթակներում՝ Sam Core կեղծանունով։«Երգեր շատ ունեմ, բայց առայժմ ընդամենը 7-8-ն եմ տեղադրել։ Հիմնականում աշխատում եմ Pop, Jazz, R&B ժանրերում։ Նաև անգլերեն երգեր եմ գրում»,-ասում է երգիչը։Ի դեպ, «կույր լսումների» ընթացքում հայ երգիչն այնքան պրոֆեսիոնալ է կատարել Մայքլ Ջեքսոնի երգը, որ Գրադսկուն թվացել է, թե բեմում երկու երգիչ կա։Սա «Голос» նախագծի արդեն տասներորդ եթերաշրջանն է։ «Կույր լսումներից» հետո մասնակիցները հայտնվում են ժյուրիի անդամների՝ Դիմա Բիլանի, Պելագեայի, Ալեքսանդր Գրադսկու կամ Լեոնիդ Ագուտինի թիմում։ Տաղանդների շոուում հնարավոր է հաղթել մրցութային փուլերը հաջողությամբ անցնելուց հետո։ Փուլերը հինգն են՝ «Մենամարտեր», «Նոկաուտներ», քառորդ եզրափակիչ, կիսաեզրափակիչ և եզրափակիչ։
https://arm.sputniknews.ru/20211113/verjapes-haj-hajtnvec-aleqsandr-gradskin-hiacats-e-erevanci-ergchi-katarmamb-35308778.html
https://arm.sputniknews.ru/20210324/12-amya-hayuhin-gerel-e-germanakan-dzayn-erexaner-ergi-mrcuyti-jyuriin-26909988.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
«ձայնը», հայ, երգիչ, տեսանյութ, մայքլ ջեքսոն, սամվել ազատյան
«ձայնը», հայ, երգիչ, տեսանյութ, մայքլ ջեքսոն, սամվել ազատյան
«Չէի սպասում, որ Գրադսկին կշրջվի»․ Սամվել Ազատյանը՝ շոուի ընթացքում անակնկալների մասին
17:17 13.11.2021 (Թարմացված է: 17:33 13.11.2021) Հայ երգիչը «Голос» նախագծի «կույր լսումների» ընթացքում կատարեց Մայքլ Ջեքսոնի Black or White երգը
ԵՐԵՎԱՆ, 13 նոյեմբերի – Sputnik, Լիլիթ Հարությունյան. Հայտնի ռուս երգիչ և կոմպոզիտոր Ալեքսանդր Գրադսկու ընտրությունն անակնկալ է դարձել 22-ամյա հայ երգիչ Սամվել Ազատյանի համար: Այս մասին երգիչն ասաց
Sputnik Արմենիայի թղթակցի հետ զրույցում։
Ավելի վաղ գրել էինք, որ Ալեքսանդր Գրադսկուն շատ է դուր եկել Սամվելի ելույթը, և երգահանը նրան տարել է իր թիմ։
«Չգիտեմ ինչու` ես վստահ էի, որ կանցնեմ, բայց չէի սպասում, որ հենց Գրադսկին կպտտվի։ Իմ երգացանկը ժանրային առումով ավելի հարմար է Բիլանին, բայց ահա թե ինչպիսի անակնկալներ են լինում շոուի ընթացքում»,-ասաց Սեմը։
Երգչի խոսքով՝ սա առաջին միջազգային երաժշտական մրցույթն է, որին ինքը մասնակցում է։ Հայտ ներկայացնել նրան հայրն է հուշել։ Երիտասարդ երգիչն ուղարկել է հայտը և մոռացել այդ մասին։
«Ես անասելի ուրախացա, երբ ինձ հրավիրեցին։ Եվ հիմա էլ դժվար է բառերով բացատրել, թե ինչքան ուրախ եմ։ Այսքան դրական արձագանքներ չէի սպասում անկեղծ ասած»,-ասում է նա։
«Կույր լսումների» այս թողարկումը վերջինն է։ Հաջորդ փուլում, որը կոչվում է «Մենամարտեր», հանդիսատեսն արդեն զուգերգեր տեսնելու հնարավորություն կունենա։
Սեմը մանրամասներ չբացահայտեց` ասելով, որ հեռուստատեսությամբ արդեն հաջորդ շաբաթ կցուցադրվեն դուետները։ Սակայն հետաքրքիր դուետ խոստացավ։
Սամվել Ազատյանը ծնվել և մեծացել է Երևանում։ Յոթ-ութ տարեկանում, դաշնամուր նվագելիս, նա սկսել է երգերի մոտիվներ հորինել, որոնք հետագայում սկսել են լիարժեք կոմպոզիցիաներ ձևավորել։
Արդեն մոտ հինգ տարի է, ինչ նա իր մտերիմ ընկերոջ հետ, որը հնչյունային ռեժիսոր է, իր երգերն է ձայնագրում և հրապարակում դրանք համացանցի երաժշտական հարթակներում՝ Sam Core կեղծանունով։
«Երգեր շատ ունեմ, բայց առայժմ ընդամենը 7-8-ն եմ տեղադրել։ Հիմնականում աշխատում եմ Pop, Jazz, R&B ժանրերում։ Նաև անգլերեն երգեր եմ գրում»,-ասում է երգիչը։
Ի դեպ, «կույր լսումների» ընթացքում հայ երգիչն այնքան պրոֆեսիոնալ է կատարել Մայքլ Ջեքսոնի երգը, որ Գրադսկուն թվացել է, թե բեմում երկու երգիչ կա։
Սա «Голос» նախագծի արդեն տասներորդ եթերաշրջանն է։ «Կույր լսումներից» հետո մասնակիցները հայտնվում են ժյուրիի անդամների՝ Դիմա Բիլանի, Պելագեայի, Ալեքսանդր Գրադսկու կամ Լեոնիդ Ագուտինի թիմում։ Տաղանդների շոուում հնարավոր է հաղթել մրցութային փուլերը հաջողությամբ անցնելուց հետո։ Փուլերը հինգն են՝ «Մենամարտեր», «Նոկաուտներ», քառորդ եզրափակիչ, կիսաեզրափակիչ և եզրափակիչ։
