Շուշիի մոտ տեղի ունեցած միջադեպի մասնակից արցախցին Արցախի ՔԿ–ում է

© Sputnik / Janna PoghosyanՍտեփանակերտ
Ստեփանակերտ - Sputnik Արմենիա, 1920, 13.11.2021
Բաժանորդագրվեք
Արցախի ՔԿ-ն հորդորում է նաև զերծ մնալ անհիմն շահարկումներից և հետևել միայն պաշտոնական տեղեկատվությանը։
ԵՐԵՎԱՆ, 13 նոյեմբերի – Sputnik. Ստեփանակերտ-Շուշի-Բերձոր միջպետական ճանապարհին տեղի ունեցած միջադեպի մասնակից քաղաքացին գտնվում է Արցախի Հանրապետության քննչական կոմիտեում: Այս մասին հայտնում է Արցախի ՔԿ–ն։
Քաղաքացու ինքնությունը չի բացահայտվում, բայց նշվում է, որ նա Ստեփանակերտ քաղաքի բնակիչ է, ծնված 1975թ–ին։
Արցախ - Sputnik Արմենիա, 1920, 13.11.2021
Ակնհայտ սադրանքի հետևանք. Արցախի միջադեպով քրեական գործ է հարուցվել
Արցախի ՔԿ-ն հորդորում է նաև զերծ մնալ անհիմն շահարկումներից և հետևել միայն պաշտոնական տեղեկատվությանը։
Հիշեցնենք` այսօր վաղ առավոտյան Շուշիի մոտ` Ստեփանակերտ-Բերձոր միջպետական ճանապարհին, պայթյուն էր տեղի ունեցել, ինչին հաջորդել էր փոխհրաձգություն։ Արդյունքում Ստեփանակերտ–Բերձոր ճանապարհը ժամանակավորապես փակվել էր։
Հայկական Telegram ալիքների տեղեկություններով` պայթուցիկ նետողը եղել է օրեր առաջ Շուշիում ադրբեջանցի զինվորականի կողմից սպանված 22-ամյա Մարտիկ Երեմյանի եղբայրը։
Ավելի ուշ տեղեկություններ տարածվեցին, որ ռուս խաղաղապահների մոտ գտնվող քաղաքացին Նորայր Միրզոյանն է։
Արցախի ՄԻՊ–ը հայտարարել էր, որ ռուսական կողմի հետ պարզաբանման արդյունքում նշվել է, որ Արցախի քաղաքացին իրենց մոտ է տարվել անվտանգության նկատառումներից ելնելով և առաջիկա ժամերին հանձնվելու է Արցախի իրավապահներին։
Արցախի ԱԱԾ–ն էլ հայտնել էր, որ Շուշիի անցակետի մոտ անհայտ անձը պայթուցիկ սարք է նետել ադրբեջանցի զինծառայողների սադրիչ գործողություններին ի պատասխան։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала