Սյունիքի մարզպետարանը հերքում է. փոխվարչապետն ու մարզպետը ցեխի մեջ չեն խրվել

© Photo : Սուրեն Պապիկյան/ Suren Papikyan Սուրեն Պապիկյանը Սյունիքի մարզպետ Մելիքսեթ Պողոսյանի ուղեկցությամբ ծանոթանում է Սյունիքի գյուղերը միացնող ճանապարհների կառուցման ընթացքին
Սուրեն Պապիկյանը Սյունիքի մարզպետ Մելիքսեթ Պողոսյանի ուղեկցությամբ ծանոթանում է Սյունիքի գյուղերը միացնող ճանապարհների կառուցման ընթացքին - Sputnik Արմենիա, 1920, 13.11.2021
Բաժանորդագրվեք
Ըստ մամուլի` Բարձրավանի գյուղապետն օգնության է ուղարկել հատուկ տեխնիկա, սակայն այն նույնպես չի կարողացել հասնել պաշտոնյաներին։
ԵՐԵՎԱՆ, 13 նոյեմբերի – Sputnik. Սյունիքի մարզպետարանը հերքում է համացանցում տարածված հրապարակումներն այն մասին, թե երեկ` նոյեմբերի 12-ին, ՀՀ փոխվարչապետ Սուրեն Պապիկյանն ու Սյունիքի մարզպետ Մելիքսեթ Պողոսյանը փորձել են այցելել Բարձրավան, բայց նրանց տեղափոխող մեքենան խրվել-մնացել է ցեխի մեջ։

«Երեկ ողջ օրը փոխվարչապետն ու մարզպետն անարգել ու առանց խոչընդոտների այցելել են տարբեր գյուղեր ու ճանապարհներ։ Նյութում վկայակոչում են Բարձրավանի վարչական ղեկավար Օնիկ Ավագյանի խոսքերը, որը մեզ հետ զրույցում փաստեց, որ ինքը լրատվամիջոցներին նման բան չի ասել»,– նշված է մարզպետարանի տարածած հաղորդագրության մեջ։

Ըստ մարզպետարանի` Ավագյանը միայն ասել է, որ շինաշխատանքների վայրում հանդիպել է ճանապարհը դիտարկող Պապիկյանին ու Պողոսյանին և նրանց ներկայացրել իր առաջարկները։
Տանձավեր-Բարձրավան ճանապարհը բոլորովին հարմար չէ տրանսպորտային միջոցների համար - Sputnik Արմենիա, 1920, 12.11.2021
Էքստրեմալ պայմաններ. ի՞նչ տեսք ունի Գորիս-Բարձրավանի այլընտրանքային ճանապարհը
Հիշեցնենք` «Հրապարակ» թերթը գրել էր, թե ամենագնաց ավտոմեքենան, որում եղել են փոխվարչապետ Սուրեն Պապիկյանն ու Սյունիքի մարզպետ Մելիքսեթ Պողոսյանը, Բարձրավան գյուղ տանող այլընտրանքային ճանապարհին խրվել է ցեխի մեջ։
Պաշտոնյաները փորձել են գյուղ մտնել գյուղական ճանապարհով, սակայն ապարդյուն։
Գյուղապետն օգնության է ուղարկել հատուկ տեխնիկա, սակայն այն նույնպես չի կարողացել հասնել Պապիկյանին և ընկերներին, ինչի արդյունքում վերջիններս ստիպված են եղել վերադառնալ Կապան։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала