Սյունիքի Ճակատեն համայնքում Ադրբեջանը նոր մաքսակետ է տեղադրում. «Հրապարակ»

© Photo : Facebook / Arman Tatoyan Արխիվային լուսանկար
Արխիվային լուսանկար - Sputnik Արմենիա, 1920, 13.11.2021
Բաժանորդագրվեք
Sputnik Արմենիան ևս փորձեց ճշտել Սյունիքից հասնող այս տեղեկությունը, սակայն մարզի ու Կապան խոշորացված համայնքի ղեկավարներից ոչ ոք մեր զանգերին չպատասխանեց։
ԵՐԵՎԱՆ, 13 նոյեմբերի – Sputnik. «Հրապարակ» օրաթերթը հայտնում է, որ Սյունիքի մարզի Ճակատեն համայնքում Ադրբեջանը նոր մաքսակետ է տեղադրում։
Ըստ թերթի` այս պահին ադրբեջանցիները գյուղ տանող ճանապարհի վրա վագոն– տնակ են տեղադրում, որը ժամանակի ընթացքում մաքսակետի է վեածվելու։
Վերին Շորժա. արխիվային լուսանկար - Sputnik Արմենիա, 1920, 13.11.2021
ՊՆ–ն հաստատեց. ադրբեջանցիները կրակ են բացել Վերին Շորժայի հայկական դիրքերի ուղղությամբ
Թերթը կապ է հաստատել համայնքի նախկին ղեկավար Արա Հարությունյանի հետ, որն ասել է, որ ճանապարհի վրա ինչ–որ աշխատանքներ արվում են։

«Ինչ-որ բան են փորում, կռունկ էին բերել, աշխատանքներ էր կատարվում, բայց չիմացա, թե ինչ էր»,-ասել է նա։

Հարությունյանը նաև պարզաբանել է, որ դա միակ ճանապարհն է, որով գյուղը կապվում է Կապանին։
Տանձավեր-Բարձրավան ճանապարհը բոլորովին հարմար չէ տրանսպորտային միջոցների համար - Sputnik Արմենիա, 1920, 12.11.2021
Էքստրեմալ պայմաններ. ի՞նչ տեսք ունի Գորիս-Բարձրավանի այլընտրանքային ճանապարհը
Նշենք, որ Ճակատենը Կապան խոշարացված համայնքի գյուղերից մեկն է։
Sputnik Արմենիան ևս փորձեց ճշտել Սյունիքից հասնող այս տեղեկությունները, սակայն մարզի ու Կապան խոշորացված համայնքի ղեկավարներից ոչ ոք մեր զանգերին չպատասխանեց։
Հիշեցնենք` նոյեմբերի 11-ին ՀՀ կառավարության նիստից հետո Արմեն Գրիգորյանը լրագրողների հետ ճեպազրույցում հայտնեց, որ Սյունիքի մարզի Գորիս–Կապան ճանապարհի դիմաց Ադրբեջանը միջանցք է պահանջել դեպի Նախիջևան։
Նա նաև ընդգծեց, որ միջանցքային տրամաբանությամբ որևէ գործարք չի լինելու։
ՀՀ վարչապետ Նիկոլ Փաշինյանն էլ կառավարության նիստում հայտարարեց, որ Ադրբեջանի ծանուցումից հետո (որ պատրաստվում են մաքսատուրք գանձել նշված ճանապարհով անցնող ՀՀ քաղաքացիներից) իրենք որոշել են հրաժարվել այդ ավտոճանապարհից ու ՀՀ քաղաքացիներին ուղղորդել երթևեկել այլընտրանքային` Կապան– Աղվանի– Տաթև– Հալիձոր– Շինուհայր ճանապարհով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала