6 գյուղերի կենսական իրավունքները կոպիտ ոտնահարվում են. ՄԻՊ-ը՝ Ճակատենի մաքսատան մասին

© Sputnik / Asatur YesayantsՀայաստանում մարդու իրավունքների պաշտպան Արման Թաթոյանի մամուլի ասուլիսը (3 նոյեմբերի, 2021թ.). Երևան
Հայաստանում մարդու իրավունքների պաշտպան Արման Թաթոյանի մամուլի ասուլիսը (3 նոյեմբերի, 2021թ.). Երևան - Sputnik Արմենիա, 1920, 14.11.2021
Բաժանորդագրվեք
Արման Թաթոյանի խոսքով` ադրբեջանական կողմի քայլերը բացարձակ անօրինական, ոչ մի հիմնավորում չունեցող արարքներ են:
ԵՐԵՎԱՆ, 14 նոյեմբերի – Sputnik. ՀՀ մարդու իրավունքների պաշտպան Արման Թաթոյանն անդրադարձել է Կապան քաղաքից Ճակատեն գյուղ տանող ճանապարհին ադրբեջանական մաքսակետ տեղադրելու լուրերին:
Նրա դիտարկմամբ` դա ուղիղ ազդեցությամբ կապված է հայկական 6 գյուղերի՝ Ճակատենի, Սրաշենի, Շիկահողի, Ներքին Հանդի, Ծավի, Շիշկերտի բնակչության ամենակենսական իրավունքների կոպիտ ու զանգվածային ոտնահարումների հետ:

«Բացարձակ բացակայում են այդ իրավունքների պաշտպանության երաշխիքները՝ սկսած կյանքի իրավունքի սպառնալիքներից մինչև ազատ տեղաշարժ: Առանց այն էլ մարդկանց իրավունքները ոտնահարված կամ սպառնալիքի տակ են»,- գրում է ՄԻՊ-ը:

Նրա խոսքով` ադրբեջանական կողմի քայլերը բացարձակ անօրինական, ոչ մի հիմնավորում չունեցող արարքներ են:
Дорожный знак у въезда в село Чакатен, Сюник - Sputnik Արմենիա, 1920, 13.11.2021
Եթե Ճակատենի ճանապարհը փակվի, Կապանի գյուղերի բնակիչները ստիպված կլինեն շրջանցել Մեղրիով
ՀՀ մարդու իրավունքների պաշտպանը հիշեցնում է, որ այս ամենը հիմնավորված է իր միջազգային հատուկ զեկույցներով, և փաստեր ներկայացնելը շարունակվում է:
Հիշեցնենք` նոյեմբերի 11-ին ՀՀ կառավարության նիստից հետո Արմեն Գրիգորյանը լրագրողների հետ ճեպազրույցում հայտնեց, որ Սյունիքի մարզի Գորիս–Կապան ճանապարհի դիմաց Ադրբեջանը միջանցք է պահանջել դեպի Նախիջևան։
Նա նաև ընդգծեց, որ միջանցքային տրամաբանությամբ որևէ գործարք չի լինելու։
ՀՀ վարչապետ Նիկոլ Փաշինյանն էլ կառավարության նիստում հայտարարեց, որ Ադրբեջանի ծանուցումից հետո (որ պատրաստվում են մաքսատուրք գանձել նշված ճանապարհով անցնող ՀՀ քաղաքացիներից) իրենք որոշել են հրաժարվել այդ ավտոճանապարհից ու ՀՀ քաղաքացիներին ուղղորդել երթևեկել այլընտրանքային` Կապան– Աղվանի– Տաթև– Հալիձոր– Շինուհայր ճանապարհով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала