https://arm.sputniknews.ru/20211115/artahert-nist-chi-lini-ynddimutjunn-el-liagumarin-chi-masnakci-tezh-banavetsh-azhum-35375082.html

Արտահերթ նիստ չի լինի, ընդդիմությունն էլ լիագումարին չի մասնակցի. թեժ բանավեճ ԱԺ–ում

Արտահերթ նիստ չի լինի, ընդդիմությունն էլ լիագումարին չի մասնակցի. թեժ բանավեճ ԱԺ–ում

Sputnik Արմենիա

Արտահերթ նիստ հրավիրելու թեմայով Ալեն Սիմոնյանն ու ընդդիմադիր պատգամավորները բանավիճեցին ԱԺ–ում։ Սիմոնյանը «զապիսկա» բնութագրեց ընդդիմության` արտահերթ նիստի... 15.11.2021, Sputnik Արմենիա

2021-11-15T18:47+0400

2021-11-15T18:47+0400

2021-11-15T18:50+0400

աժ (ազգային ժողով)

նիկոլ փաշինյան

արծվիկ մինասյան

ալեն սիմոնյան

սյունիք

ընդդիմություն

իշխան սաղաթելյան

https://cdn.am.sputniknews.ru/img/07e5/09/0d/28996852_0:0:1600:901_1920x0_80_0_0_b8c9229893c5a8f59c0625e08b05a77e.jpg

ԵՐԵՎԱՆ, 15 նոյեմբերի – Sputnik. Ընդդիմության պահանջով Ազգային ժողովի հրատապ նիստ չի գումարվի։ ԱԺ նախագահ Ալեն Սիմոնյանն ԱԺ–ում լրագրողների հետ ճեպազրույցում նշեց, որ այդ հարցը քննարկել անգամ չեն կարող։Ավելի վաղ «Հայաստան» խմբակցության պատգամավոր Գեղամ Մանուկյանը Facebook–ի իր էջում հայտնել էր` ԱԺ ընդդիմադիր խմբակցություններն այսօր ժամը 20.00-ին նախաձեռնել են ՀՀ ԱԺ արտահերթ լիագումար նիստ:«Մեր ընդդիմադիր գործընկերները ժամը 16։40-ին փաստաթուղթ են ներկայացրել, որպեսզի հրատապ նիստ հրավիրենք։ Ցավոք, ժամանակի առումով և ներկայացված փաստաթղթերի անբավարար լինելու պատճառով ես նույնիսկ չեմ կարող այդ հարցը քննարկել և որոշում կայացնել։ Օրինակ` չկան հիմնավորումներ և կցված չէ նախագիծը»,–ասաց Սիմոնյանը։Նա հավելեց, որ ԱԺ–ում այսօր ժամը 16:30-ին խորհրդի նիստ էր կայացել և 16։40-ին ասում են` արտահերթ նիստ է պետք հրավիրել։Հարցին, թե վարչապետ Նիկոլ Փաշինյանը պատրա՞ստ է խորհրդարան գալ և հարցերին պատասխանել` Սիմոնյանը նշեց, որ վարչապետն առաջիկա երեք օրերին լինելու է խորհրդարանում, քանի որ լինելու են բյուջեի քննարկումներ, և վաղվանից ԱԺ լիագումար նիստն է սկսվելու։«Հայաստան» խմբակցության պատգամավոր Իշխան Սաղաթելյանն էլ արձանագրեց, որ այստեղ իրավական որևէ հարց չկա` քաղաքական որոշում է կայացրել քաղաքական մեծամասնությունը։«Մենք այս իրավիճակում չենք պատրաստվում գալ և քննարկել բյուջետային կամ ընթացիկ հարցեր, քանի որ երկրի առաջ կանգնած օրակարգն ուրիշ է։ Այս առնչությամբ երկու խմբակցությունները հայտարարություն կանեն»,–ասաց Սաղաթելյանը։Դրանից հետո Սիմոնյանը ընդդիմության դիմումը ձեռքին մոտեցավ ընդդիմադիր պատգամավորներին և ասաց` վատ աշակերտի պես ոչ նախագիծ են ներկայացրել, ոչ զեկուցող և ուզում են նիստ հրավիրել։ «Ես զապիսկեն չեմ կարող սարքել խորհրդի նիստ»,–ասաց Սիմոնյանը։Արծվիկ Մինասյանը հավելեց` հայտարարությամբ հանդես կգան։Նշենք, որ երեկ` նոյեմբերի 14–ին, ՊՆ–ն հայտնել էր` հայ-ադրբեջանական սահմանի արևելյան ուղղությամբ փոխհրաձգություն է տեղի ունեցել։ Ժամը 13։00-ի սահմաններում, ադրեջանական ԶՈւ ստորաբաժանումները փորձել են դիրքային առաջխաղացում ապահովել։Արդեն երեկոյան ՊՆ–ն մեկ այլ հաղորդագրություն տարածեց` հայտնելով, որ ժամը 19։00-ի դրությամբ իրադրությունը հայ-ադրբեջանական սահմանի արևելյան ուղղությամբ հարաբերականորեն կայունացել է, կրակոցներ չկան։ Ընթանում են բանակցություններ՝ իրադրության հանգուցալուծման նպատակով։Միաժամանակ, ՊՆ–ն վստահեցրել էր` լուրերը, թե սահմանային այդ հատվածում հայկական տարածք ադրբեջանական ԶՈւ զրահատեխնիկա է մտել՝ չեն համապատասխանում իրականությանը։Սակայն այսօր ՀՀ վարչապետ Նիկոլ Փաշինյանը պաշտոնից ազատեց ՀՀ պաշտպանության նախարար Արշակ Կարապետյանին և նրա փոխարեն նշանակեց ՀՀ արդեն նախկին փոխվարչապետ Սուրեն Պապիկյանին։Ապա վարաչպետի գլխավորությամբ Անվտանգության խորհդի նիստ տեղի ունեցավ, որի ժամանակ Փաշինյանը հայտնեց, որ ադրբեջանական զորքերը արևելյան կողմից ներխուժել են ՀՀ տարածք։

https://arm.sputniknews.ru/20211115/aats-pahestazvori-spaneri-miutjuny-kvoch-e-arel-ynddimutjany-vajr-dnel-mandatnery-35374260.html

սյունիք

2021

Լուրեր

am_HY

աժ (ազգային ժողով), նիկոլ փաշինյան, արծվիկ մինասյան, ալեն սիմոնյան, սյունիք, ընդդիմություն, իշխան սաղաթելյան