«Նա կալանավորված կամ ձերբակալված չէ»․ Արցախի օմբուդսմանը այցելել է Նորայր Միրզոյանին

© Sputnik / Aram NersesyanՇուշի տանող ճանապարհը
Շուշի տանող ճանապարհը - Sputnik Արմենիա, 1920, 15.11.2021
Բաժանորդագրվեք
Դեպի Շուշի տանող ճանապարհին տեղակայված ադրբեջանական անցակետի վրա պայթուցիկ նետած Միրզոյանը այժմ գտնվում է բուժհիմնարկում` բժիշկների հսկողության տակ։
ԵՐԵՎԱՆ, 15 նոյեմբերի – Sputnik. Արցախի Մարդու իրավունքների պաշտպան Գեղամ Ստեփանյանը այցելել է նոյեմբերի 13-ին Շուշի տանող ճանապարհին տեղակայված ադրբեջանական անցակետի ուղղությամբ պայթուցիկ նետած Նորայր Միրզոյանին։ Այցի մասին Ստեփանյանը մանրամասներ է գրել Facebook-ում։
«Առավոտյան այցելել եմ Նորայր Միրզոյանին, ով կալանավորված կամ ձերբակալված չէ և գտնվում է բուժհիմնարկում` բժիշկների հսկողության տակ: Հետաքրքրվել եմ առողջական վիճակով և հավաստիացել, որ ստանում է անհրաժեշտ բուժօգնություն։ Այնուհետև հանդիպել եմ նաև Միրզոյանի ընտանիքի անդամների հետ, ովքեր հայտնել են, որ կապը նրա հետ պահպանվում է», - գրել է ՄԻՊ-ը։
Ստեփանյանը հանդիպել է Շուշիի մոտ տեղի ունեցած միջադեպի մասնակից քաղաքացուն և գրառում արել
Նրա խոսքով՝ Միրզոյանի հարազատները խնդրել են բոլորին դադարեցնել Միրզոյանի և նրա անձնական ու ընտանեկան կյանքի մասին տեղեկությունները հանրայնացնելու բոլոր գործողությունները, նշելով, որ դրանով միայն վնասում են Նորայրին։ Ստեփանյանը շեշտել է, որ Արցախի Մարդու իրավունքների պաշտպանի գրասենյակն իր իրավասությունների շրջանակներում ձեռնարկում է բոլոր միջոցները Միրզոյանի իրավունքների պատշաճ պաշտպանություն ապահովելու համար։
Հիշեցնենք` նոյեմբերի 13-ի վաղ առավոտյան Շուշի տանող ճանապարհին տեղակայված ադրբեջանական անցակետի վրա պայթուցիկ էր նետվել, 1 (այլ տվյալներով՝ 3) ադրբեջանցի վիրավորում էր ստացել։ Ռուս խաղաղապահները բռնել էին պայթուցիկ նետած անձին, որը Արցախի քաղաքացի էր։ Նրան հարցաքննելուց հետո ռուսները փոխանցել էին արցախցուն Ստեփանակերտին։
Ֆրենկ Փալոնե - Sputnik Արմենիա, 1920, 14.11.2021
Ալիևին պետք է պատասխանատվության ենթարկել. ԱՄՆ կոնգրեսականը` Շուշիի դեպքի մասին
Հայկական Telegram ալիքները տեղեկություններ էին տարածում, որ պայթուցիկ նետողը եղել է օրեր առաջ Շուշիում ադրբեջանցի զինվորականի կողմից սպանված 22-ամյա Մարտիկ Երեմյանի եղբայրը։ Սակայն Sputnik Արմենիայի տեղեկություններ համաձայն՝ դա իրականությանը չի համապատասխանում։
Բացի այդ խոսակցություններ կային, որ Նորայր Միրզոյանը աշխատում է Արցախի Ազգային անվտանգության ծառայությունում։ Արցախի ԱԱԾ–ն էլ հայտնել էր, որ Շուշիի անցակետի մոտ անհայտ անձը պայթուցիկ սարք է նետել ադրբեջանցի զինծառայողների սադրիչ գործողություններին ի պատասխան։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала