https://arm.sputniknews.ru/20211116/hajkakan-kvoghmn-unecel-e-dirqajin-kvorustner-eduard-aghajanjan-35396708.html

Հայկական կողմը նոյեմբերի 14–ին ունեցել է դիրքային կորուստներ. Էդուարդ Աղաջանյան

Հայկական կողմը նոյեմբերի 14–ին ունեցել է դիրքային կորուստներ. Էդուարդ Աղաջանյան

Sputnik Արմենիա

ԱԺ արտաքին հարաբերությունների մշտական հանձնաժողովի նախագահի խոսքով` Ադրբեջանը օկուպացիայի ներքո է պահում ՀՀ ինքնիշխան տարածքի շուրջ 41 քառ.կմ տարածքը` շուրջ 11... 16.11.2021, Sputnik Արմենիա

2021-11-16T13:55+0400

2021-11-16T13:55+0400

2021-11-16T14:06+0400

դիրքեր

հայաստան

ադրբեջան

էդուարդ շարմազանով

աժ (ազգային ժողով)

սահման

հայ-ադրբեջանական

էդուարդ աղաջանյան

սահմանային խախտումներ. իրադրությունը սյունիքում և գեղարքունիքում

https://cdn.am.sputniknews.ru/img/07e5/08/06/28579368_0:0:1600:901_1920x0_80_0_0_1785b6ca6c1c38553c3a688b1c42bd57.jpg

ԵՐԵՎԱՆ, 16 նոյեմբերի – Sputnik. ԱԺ արտաքին հարաբերությունների մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանն այսօր ԱԺ նիստում հանդես եկավ նոյեմբերի 14-ին հայ–ադրբեջանական սահմանին տեղի ունեցած դեպքերի մասին հայտարարությամբ։«Ադրբեջանը շարունակում է Հայաստանի հետ սահմանին սադրիչ և ագրեսիվ գործողություններ իրականացնելու քաղաքականությունը։ Ինչպես հայտարարել է ՀՀ ԱԽ–ը, նոյեմբերի 14-ին Հայաստան–Ադրբեջան սահմանի արևելյան տեղամասերից մեկում Ադրբեջանական ԶՈւ–ը` տեխնիկայի աջակցությամբ ներխուժել են ՀՀ տարածք։ Բանակցությունների արդյունքում զինտեխնիկայի մեծ մասը հետ է քաշվել, բայց հայկական կողմն ունեցել է դիրքային կորուստներ»,– ասաց Աղաջանյանը։Նրա խոսքով` այս գործողության արդյունքում Ադրբեջանն ամրապնդել է դեռևս 2021թ–ի մայիսի 12-ից ՀՀ տարածքում իր ունեցած ապօրինի ներկայությունը։«Մայիսի 12-ի ներթափանցումից հետո Ադրբեջանը օկուպացիայի ներքո է պահում ՀՀ ինքնիշխան տարածքի շուրջ 41 քառ.կմ տարածքը` շուրջ 11 տեղամասերում։Աղաջանյանը հայտարարեց, որ սահմանին հրադադարի խախտումները կրում են ամենօրյա բնույթ ու հիշեցրեց, որ մայիսի 12-ից հետո ՀՀ–ը դիմել էր ՀԱՊԿ–ին հայ–ադրբեջանական սահմանին մոնիթորինգ անելու առաջարկով։ Բայց մինչ օրս դա կյանքի չի կոչվել։Իսկ ՀՀ խորհրդարանական ընկերներին կոչ արեց միջազգային բոլոր ատյաններում հանդես գալ Ադրբեջանի ագրեսիվ քաղաքականությունը և ՀՀ տարածքային օկուպացիան լուսաբանող հայտարարություններով։Նշենք, որ նոյեմբերի 14–ին ՊՆ–ն հայտնել էր` հայ-ադրբեջանական սահմանի արևելյան ուղղությամբ փոխհրաձգություն է տեղի ունեցել։ Ժամը 13։00-ի սահմաններում ադրեջանական ԶՈւ ստորաբաժանումները փորձել են դիրքային առաջխաղացում ապահովել։Արդեն երեկոյան ՊՆ–ն մեկ այլ հաղորդագրություն տարածեց` հայտնելով, որ ժամը 19։00-ի դրությամբ իրադրությունը հայ-ադրբեջանական սահմանի արևելյան ուղղությամբ հարաբերականորեն կայունացել է, կրակոցներ չկան։ Ընթանում են բանակցություններ՝ իրադրության հանգուցալուծման նպատակով։Միաժամանակ ՊՆ–ն վստահեցրել էր` լուրերը, թե սահմանային այդ հատվածում հայկական տարածք ադրբեջանական ԶՈւ զրահատեխնիկա է մտել՝ չեն համապատասխանում իրականությանը։Նոյեմբերի 15–ին ՀՀ վարչապետ Նիկոլ Փաշինյանը պաշտոնից ազատեց ՀՀ պաշտպանության նախարար Արշակ Կարապետյանին և նրա փոխարեն նշանակեց ՀՀ արդեն նախկին փոխվարչապետ Սուրեն Պապիկյանին։Ապա վարչապետի գլխավորությամբ Անվտանգության խորհդի նիստ տեղի ունեցավ, որի ժամանակ Փաշինյանը հայտնեց, որ ադրբեջանական զորքերը արևելյան կողմից ներխուժել են ՀՀ տարածք։Ավելի ուշ ՀՀ Անվտանգության խորհուրդը հայտարարեց, որ հայկական ուժերը դուրս են բերվել 4 մարտական հենակետերից։

https://arm.sputniknews.ru/20211116/adrbejanakan-zun-hertakan-sadranqn-e-nakhadzernel-hh-areveljan-sahmanagvotu-ughghutjamb-pn-35396064.html

ադրբեջան

2021

Լուրեր

am_HY

դիրքեր, հայաստան, ադրբեջան, էդուարդ շարմազանով, աժ (ազգային ժողով), սահման, հայ-ադրբեջանական, էդուարդ աղաջանյան, սահմանային խախտումներ. իրադրությունը սյունիքում և գեղարքունիքում