Ադրբեջանական ԶՈւ կողմից ՀՀ–ի նկատմամբ իրականացվող ագրեսիայի առթիվ քրեական գործ է հարուցվել

© Official site of the Prosecutor General's office of RAՀՀ գլխավոր դատախազություն
ՀՀ գլխավոր դատախազություն - Sputnik Արմենիա, 1920, 16.11.2021
ՀՀ գլխավոր դատախազություն
Բաժանորդագրվեք
Ադրբեջանը գրոհների թիրախ է դարձրել Սյունիքի և Վայոց Ձորի մարզերի մարտական հենակետերը:
ԵՐԵՎԱՆ, 16 նոյեմբերի – Sputnik. Ադրբեջանական զինված ուժերի կողմից ՀՀ-ի նկատմամբ ռազմական ագրեսիայի ակտ իրականացնելու և միջազգային հումանիտար իրավունքի աղաղակող խախտումների առթիվ ՀՀ գլխավոր դատախազությունը քրեական գործ է հարուցել։ Տեղեկությունը հայտնում են դատախազության տեղեկատվության և հասարակայնության հետ կապերի վարչությունից։
Նշենք, որ 2021 թվականի նոյեմբերի 16-ին Ադրբեջանի Հանրապետության ռազմաքաղաքական ղեկավարությունը ազգային ատելության շարժառիթով, երկու և ավելի անձի ապօրինաբար կյանքից զրկելու և պայթյունի եղանակով ոտնձգել են Հայաստանի Հանրապետության տարածքային ամբողջականության դեմ՝ սանձազերծելով ագրեսիվ պատերազմ և իրականացնելով ագրեսիայի ակտ:
Ադրբեջանական կողմը նաև կոպտորեն խախտել է մի շարք միջազգային հոդվածներ և կոնվենցիաներ։
«Ադրբեջանը զրահատեխնիկաների և տարբեր տրամաչափի հրաձգային զինատեսակների կիրառմամբ, համակարգված, գրոհների թիրախ է դարձրել ՀՀ ԶՈւ՝ Սյունիքի և Վայոց Ձորի մարզերի մարտական հենակետերը։ Դրանց ընթացքում տեղի ունեցած մարտական գործողությունների ժամանակ զոհվել, տարբեր աստիճանի մարմնական վնասվածքներ են ստացել, ինչպես նաև խոշտանգվելով գերեվարվել ՀՀ զինված ուժերի մի շարք զինծառայողներ»,– նշում են դատախազությունից:
Նիկոլ Փաշինյան - Sputnik Արմենիա, 1920, 16.11.2021
Փաշինյանը Պուտինի հետ զրույցում հույժ կարևոր է համարել ռազմավարական գործընկերությունը
ՀՀ զինվորական կենտրոնական դատախազությունում սպանության, սպանության փորձի, առանձնապես խոշոր չափերով գույքը ոչնչացնելու կամ վնասելու, ագրեսիվ պատերազմ սանձազերծելու կամ վարելու, զինված ընդհարումների ժամանակ միջազգային մարդասիրական իրավունքի նորմերի լուրջ խախտումների, զինված ընդհարման ժամանակ հանցավոր հրաման արձակելու հանցագործությունների հատկանիշներով հարուցվել է քրեական գործ։
ՀՀ քրեական օրենսգրքի 104-րդ հոդվածի 2-րդ մասի 1-ին, 6-րդ, 7-րդ, 13-րդ կետերով (սպանություն), 34-104-րդ հոդվածի 2-րդ մասի 1-ին, 6-րդ, 7-րդ, 13-րդ կետերով (սպանության փորձ), 185-րդ հոդվածի 3-րդ մասի 1-ին կետով (գույքը դիտավորությամբ ոչնչացնելը կամ վնասելը), ՀՀ քրեական օրենսգրքի 384-րդ հոդվածի 2-րդ մասով (ագրեսիվ պատերազմ), 390-րդ հոդվածի 1-ին մասի 1-ին և 2-րդ կետերով (միջազգային մարդասիրական իրավունքի նորմերի լուրջ խախտումները զինված ընդհարումների ժամանակ), 391-րդ հոդվածի 3-րդ մասով (անգործությունը կամ հանցավոր հրաման արձակելը զինված ընդհարման ժամանակ) նախատեսված հանցագործությունների հատկանիշներով:
Քրեական գործի նախաքննությունը հանձնարարվել է ՀՀ ՔԿ ԶՔԳ վարչությանը։
Армянский военнослужащий на армяно-азербайджанской границе - Sputnik Արմենիա, 1920, 16.11.2021
Շոյգուի հետ բանակցություններից հետո Երևանն ու Բաքուն դադարեցրել են մարտերը. ՌԴ ՊՆ
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել, 12 զինծառայողի գերեվարել: Այս պահին ճշտված տվյալներ կան մեկ զոհի մասին: Վիրավորների վերաբերյալ տվյալները ճշտվում են։
ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել էր, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։
Քիչ առաջ ՀՀ ՊՆ–ն հայտնեց, որ ռուսական կողմի միջնորդությամբ կրակը դադարեցվել է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала