Անձնագրերի տրամադրման հարցը լուծվել է. փոխոստիկանապետը ներկայացրեց ուշացման պատճառները

© Sputnik / Aram NersesyanՀՀ անձնագիր
ՀՀ անձնագիր - Sputnik Արմենիա, 1920, 16.11.2021
ՀՀ անձնագիր
Բաժանորդագրվեք
ՀՀ անձնագրերի բլանկների մատակարարման մրցույթում հաղթող է ճանաչվել նոր ընկերություն, որը մինչև տարեվերջ բլանկների մեծ խմբաքանակ է տրամադրելու։
ԵՐԵՎԱՆ, 16 նոյեմբերի – Sputnik. Հայաստանում նոր անձնագրերի տրամադրման ժամկետների ուշացման հարցը լուծված է։ Այս մասին այսօր ԱԺ–ում հայտարարեց ՀՀ ոստիկանության պետի տեղակալ Արա Ֆիդանյանը` նշելով, որ ուշացումների պատճառը զուտ տեխնիկական է եղել։
«Անձնագրերի բլանկներ մատակարարող ընկերությունը , կորոնավիրուսի համավարակով պայմանավորված, խնդիրներ ու դժվարություններ է ունեցել` բլանկները մեզ տրամադրելու առումով։ Ընդամենը օրեր առաջ մենք բավական մեծ խմբաքանակ արդեն ստացել ենք, և որևէ խնդիր այս պահին առկա չէ»,– ասաց Ֆիդանյանը։
Замначальника Полиции Ара Фиданян принял делегацию во главе с Максимом Лонганде (17 февраля 2021). Еревaн - Sputnik Արմենիա, 1920, 01.11.2021
Նոր կենսաչափական անձնագիրը կտարբերվի դիզայնով, էջերի քանակով ու արժեքով. Ֆիդանյան
Նա նաև վստահեցրեց, որ առաջիկայում ևս անձնագրերի տրամադրման ժամկետների հետ կապված որևէ խնդիր չի լինի։

Բացի այդ ՀՀ քաղաքացու անձնագրերի բլանկների մատակարարման մրցույթում հաղթող է ճանաչվել մեկ այլ` նոր ընկերություն, որը մինչև տարեվերջ պարտավորվել է բլանկների մեծ խմբաքանակ տրամադրել, որի արդյունքում, փոխոստիկանապետի խոսքով, խնդիրը վերջնականապես կլուծվի։

Նշենք, որ վերջին շրջանում անձնագրի փոխանակման համար անձնագրային բաժիններ դիմած քաղաքացիները դժգոհում էին, որ նոր անձնագիրն իրենց տրամադրում են օրենքով սահմանված ժամկետից ուշ։
ՀՀ քաղաքացու անձնագրի մասին օրենքով` անձնագիրը պետք է տրամադրվի կամ փոխանակվի դիմում ներկայացնելու օրվան հաջորդող 15-րդ աշխատանքային օրը։ Ավելի շուտ ստանալու համար քաղաքացին պետք է հավելյալ վճարում կատարի` մեկ աշխատանքային օրվա ընթացքում ստանալու համար՝ 20000 դրամ, 3-րդ աշխատանքային օրը՝ 10000 դրամ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала