Հնարավոր են զանգեր և նամակներ կասկածելի համարներից. կապի օպերատորների զգոնության կոչը

© Sputnik / Andranik GhazaryanԵրևան
Երևան - Sputnik Արմենիա, 1920, 16.11.2021
Երևան. Արխիվային լուսանկար
Բաժանորդագրվեք
Ընկերությունները հորդորում են լինել զգոն, չտրվել թշնամու սադրանքներին, անտեսել կասկածելի զանգերը, հաղորդագրությունները, իրենց օգտահաշիվներից ուղարկվող կեղծ նամակները։
ԵՐԵՎԱՆ, 16 նոյեմբերի – Sputnik. «Վիվա-ՄՏՍ»–ը տեղեկացնում է, որ հնարավոր են զանգեր և նամակներ կասկածելի համարներից ու օգտահաշիվներից։ Ընկերությունը նման հայտարարություն է արել` հավելելով, որ նման զանգերն ու նամակները պետք է անտեսել և ոչ մի դեպքում հետ զանգեր չկատարել։
«Հորդորում ենք ոչ մի դեպքում չնկարահանել ու համացանցում չզետեղել զինված ուժերի կամ զինտեխնիկայի տեղաշարժի վերաբերյալ տեսանյութեր»,–նշված է հաղորդագրության մեջ։
Մարտական դիրքեր, արխիվային լուսանկար - Sputnik Արմենիա, 1920, 16.11.2021
Ադրբեջանցիները 12 հայ զինծառայողի են գերի վերցրել. ՊՆ
Միաժամանակ, ընկերությունը հորդորում է զերծ մնալ կասկածելի հրապարակումների ու չճշտված լուրերի տարածումից՝ անհարկի խուճապ չհարուցելու համար և հետևել պաշտոնական լրահոսին։
Նմանօրինակ հայտարարություն է տարածել նաև Ucom ընկերությունը։
«Սահմանում ծավալված իրադրության համատեքստում թշնամին օգտագործում է խուճապ տարածելու բոլոր միջոցները՝ հորդորելով անջատել էլեկտրոնային SIM-քարտերը, իրար փոխանցել «հույժ կարևոր» լուրեր և նմանօրինակ գործողությունների դիմել»,–ասված է հաղորդագրության մեջ։
Ընկերությունից հորդորում են լինել զգոն, չտրվել թշնամու սադրանքներին, անտեսել թշնամու կողմից հնարավոր զանգերը, հաղորդագրությունները, իրենց օգտահաշիվներից ուղարկվող կեղծ նամակները։
«Օգնենք ինքներս մեզ, այլ ոչ թշնամուն»,–ասված է հաղորդագրության մեջ։
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել։
ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել էր, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала