Հրահանգ չունենք գյուղը դատարկելու. Իշխանասարի համայնքապետ

© Photo : provided by Tigran Varag / Arm GeoԻշխանասար
Իշխանասար - Sputnik Արմենիա, 1920, 16.11.2021
Բաժանորդագրվեք
ՀՀ Սյունիքի մարզի Իշխանասարի համայնքապետը ներկայացրել է տիրող իրավիճակը։
ԵՐԵՎԱՆ, 16 նոյեմբերի - Sputnik. ՀՀ Սյունիքի մարզի Իշխանասար գյուղը դատարկելու հրահանգ այս պահին չկա։ Այս մասին Sputnik Արմենիայի հետ զրույցում ասաց Իշխանասարի համայնքապետ Մարատ Պետրոսյանը:

«Այժմ նման հրահանգ ու կարիք չկա, չեմ էլ ուզում մտածել այդ մասին։ Այս պահին էլ հարյուրավոր երկրապահներ զենքով կանգնած են, հրահանգի են սպասում»,–ասաց Պետրոսյանը։

Նա նշեց, որ գյուղացիներին ապաստարաններ տեղափոխելու հրահանգ նույնպես չեն ստացել։
Մելիքսեթ Պողոսյան - Sputnik Արմենիա, 1920, 16.11.2021
Սյունիքում երկրապահին, կամավորական ջոկատներին խնդիր ենք տվել, որ պատրաստ սպասեն. մարզպետ
Պետրոսյանի խոսքով` կրակոցների ձայները գյուղում լսվում են, քանի որ դիրքերն իրենցից 30 կմ են հեռու։
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։
Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Երևան - Sputnik Արմենիա, 1920, 16.11.2021
Հնարավոր են զանգեր և նամակներ կասկածելի համարներից. կապի օպերատորների զգոնության կոչը
Պաշտպանական գերատեսչությունը սկզբում հայտնեց, որ հայկական կողմը 2 մարտական դիրք է կորցրել, մարտերի արդյունքում զոհեր և վիրավորներ ունենք, որոնց վերաբերյալ տվյալները ճշտվում են։
Ավելի ուշ հաղորդագրություն տարածվեց, որ ադրբեջանական կողմը ՀՀ ԶՈւ 12 զինծառայողի է գերեվարել։ Նրանցից 7-ը պայմանագրային են, 5–ը` ժամկետային։
ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել է, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала