Իրանի ԱԳՆ-ն Հայաստանին և Ադրբեջանին իրավիճակի կարգավորման կոչ է արել

© AP Photo / -Իրանի ԱԳՆ շապտոնական ներկայացուցիչ Սաիդ Խաթիբզադեն մամուլի ասուլիսի ժամանակ (15 նոյեմբերի, 2021թ․). Թեհրան
Իրանի ԱԳՆ շապտոնական ներկայացուցիչ Սաիդ Խաթիբզադեն մամուլի ասուլիսի ժամանակ (15 նոյեմբերի, 2021թ․). Թեհրան - Sputnik Արմենիա, 1920, 16.11.2021
Բաժանորդագրվեք
ԵՐԵՎԱՆ, 16 նոյեմբերի – Sputnik. Իրանի արտաքին գործերի նախարարությունը մտահոգություն է հայտնել հարևան Հայաստանի և Ադրբեջանի սահմանին իրավիճակի սրման կապակցությամբ:
Իրանի արտաքին քաղաքական գերատեսչության ներկայացուցիչ Սաիդ Խաթիբզադեն կոչ է արել Երևանին ու Բաքվին հակամարտությունը կարգավորել երկխոսության միջոցով:
Սահմանին հանգիստ է, սակայն ընդհանուր առմամբ ծայրահեղ լարված դրություն է. Փաշինյան
Նշենք, որ ՀՀ ԱԳ նախարարությունն ավելի վաղ հայտնել էր, որ Ադրբեջանի զինված ուժերը ներխուժել են հայկական տարածք, իսկ Հայաստանի պաշտպանության նախարարությունը տեղեկացրել է 12 հայ զինծառայողի գերեվարվելու և 2 մարտական դիրքի կորցնելու մասին։
«Սաիդ Խաթիբզադեն, մտահոգություն հայտնելով Հայաստանի և Ադրբեջանի սահմանին նոր ռազմական բախումների կապակցությամբ, կոչ է արել երկրներին զսպվածություն ցուցաբերել և զերծ մնալ հակամարտության սրումից»,–ասված է հայտարարության մեջ, որը հրապարակվել է Իրանի արտաքին քաղաքական գերատեսչության Telegram-ի ալիքում:
Վլադիմիր Զայնետդինով - Sputnik Արմենիա, 1920, 16.11.2021
ՀԱՊԿ–ը մեկնաբանել է հայ–ադրբեջանական սահմանի լարվածությունը
ԱԳՆ ներկայացուցիչը, նշելով 2 երկրի միջազգայնորեն ճանաչված սահմանները հարգելու անհրաժեշտությունը, կողմերին կոչ է արել իրավիճակը կարգավորել երկխոսության և խաղաղ ճանապարհով։ Խաթիբզադեն նաև հայ-ադրբեջանական սահմանին տեղի ունեցող իրադարձությունները վտանգավոր է համարել տարածաշրջանում խաղաղության համար և Իրանի պատրաստակամությունն է հայտնել՝ աջակցել հակամարտության կարգավորմանը:
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ադրբեջանի իշխանությունները միտումնավոր գնում են իրավիճակի սրման. Փաշինյանը՝ ԵԽ նախագահին
Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել, 12 զինծառայողի գերեվարել, իսկ զոհերի ու վիրավորների վերաբերյալ տվյալները ճշտվում են։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала