Իրանի նախագահը դեմ է Հարավային Կովկասում սահմանների փոփոխմանը

© AFP 2020 / ATTA KENAREԻբրահիմ Ռաիսի
Իբրահիմ Ռաիսի - Sputnik Արմենիա, 1920, 16.11.2021
Իբրահիմ Ռաիսի. Արխիվային լուսանկար
Բաժանորդագրվեք
Ավել վաղ Իբրահիմ Ռաիսին և Վլադիմիր Պուտինը քննարկել են արցախյան հակամարտությունն ու իրավիճակը տարածաշրջանում։
ԵՐԵՎԱՆ, 16 նոյեմբերի – Sputnik. Իրանի համար անընդունելի է աշխարհաքաղաքական որևէ փոփոխություն կամ սահմանի փոփոխում Հարավային Կովկասում։
Այս մասին ԻԻՀ–ի նախագահ Իբրահիմ Ռաիսին հայտարարել է ՌԴ նախագահ Վլադիմիր Պուտինի հետ հեռախոսազրույցի ժամանակ։ ԻԻՀ–ի ղեկավարի խոսքերը մեջբերում է Mehr գործակալությունը։ Հեռախոսազրույցի մասին ավելի վաղ հայտնել էր նաև Կրեմլի մամուլի ծառայությունը։
Սոթքի ոսկու հանքավայրի աշխատակիցներին տարհանել են
Իրանական աղբյուրի համաձայն` Ռաիսին ողջունել է Հարավային Կովկասում իրավիճակի կայունացմանն ու խաղաղության հաստատմանն ուղղված Ռուսաստանի նախաձեռնությունները։ Այս համատեքստում նա ընդգծել է, որ աշխարհաքաղաքականության կամ տարածաշրջանում սահմանների որևէ փոփոխություն Թեհրանի համար ընդունելի լինել չեն կարող։
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Արմեն Գրիգորյան - Sputnik Արմենիա, 1920, 16.11.2021
Արմեն Գրիգորյանը հայ-ադրբեջանական սահմանին տիրող իրավիճակը ներկայացրել է Իրանի դեսպանին
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն, ապա տեղային մարտեր են սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել։ Նշվում է նաև, որ հայկական կողմից կան զոհեր ու վիրավորներ, գերեվարվել է 12 զինծառայող։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала