Իրավիճակը խաղաղ հուն տեղափոխելու համար Մոսկվան շփվում է Բաքվի ու Երևանի հետ. ՌԴ ԱԳՆ

© Sputnik / Кирилл Каллиников / Անցնել ֆոտոբանկЗдание МИД РФ
Здание МИД РФ - Sputnik Արմենիա, 1920, 16.11.2021
Բաժանորդագրվեք
Ռուսաստանը քայլեր է ձեռնարկում հայ–ադրբեջանական սահմանին տիրող լարվածությունը լիցքաթափելու ուղղությամբ։
ԵՐԵՎԱՆ, 16 նոյեմբերի – Sputnik. Ռուսական կողմը շփվում է Բաքվի և Երևանի հետ հայ-ադրբեջանական սահմանին իրավիճակի շուտափույթ դեէսկալացիայի համար։ Նման հայտարարություն են արել Ռուսաստանի ԱԳՆ-ում:
«Կողմերի հետ շփման մեջ ենք իրավիճակը խաղաղ հուն տեղափոխելու համար», - ասել են նախարարությունում։
Սուրեն Պապիկյան - Sputnik Արմենիա, 1920, 16.11.2021
Պապիկյանը Շոյգուին է ներկայացրել հայ-ադրբեջանական սահմանագծում տիրող իրավիճակը
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել, 12 զինծառայողի գերեվարել, իսկ զոհերի ու վիրավորների վերաբերյալ տվյալները ճշտվում են։
ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել էր, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала