Շոյգուն զանգել է Ադրբեջանի պաշտպանության նախարարին

Սերգեյ Շոյգու - Sputnik Արմենիա, 1920, 16.11.2021
Սերգեյ Շոյգու
Բաժանորդագրվեք
Ռուսաստանի պաշտպանության նախարարը վերահաստատել է, որ պատրաստ է ջանքեր գործադրել մարտական գործողությունները դադարեցնելու համար։
ԵՐԵՎԱՆ, 16 նոյեմբերի - Sputnik. Ռուսաստանի պաշտպանության նախարար Սերգեյ Շոյգուն հայ–ադրբեջանական սահմանին տիրող իրավիճակի հարցով զանգել է ադրբեջանցի գործընկեր Զաքիր Հասանովին:
Շոյգուն նշել է, որ պատրաստ է ջանքեր գործադրել մարտական գործողությունները դադարեցնելու և իրավիճակը կայունացնելու համար:
И.о. премьер-министра Армении Никол Пашинян и председатель Европейского совета Шарль Мишель покидают Дом правительства после совместной пресс-конференции по итогам встречи (17 июля 2021). Еревaн - Sputnik Արմենիա, 1920, 16.11.2021
Ադրբեջանի իշխանությունները միտումնավոր գնում են իրավիճակի սրման. Փաշինյանը՝ ԵԽ նախագահին
Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել, 12 զինծառայողի գերեվարել, իսկ զոհերի ու վիրավորների վերաբերյալ տվյալները ճշտվում են։
ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել էր, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։
Նշենք, որ Շոյգուն այսօր խոսել էր նաև ՀՀ պաշտպանության նախարար Սուրեն Պապիկյանի հետ։ ՀՀ ՊՆ–ի հաղորդագրության մեջ նշվում էր, որ ՌԴ պաշտպանության նախարարը պատրաստակամություն է հայտնել առավելագույն ջանք գործադրել ռազմական գործողությունները դադարեցնելու, ռազմագերիներին վերադարձնելու և իրավիճակը հանգուցալուծելու գործում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала