Ադրբեջանցիները «գրոհ» են նախաձեռնել Երևանում. «Yandex.Go»–ն ֆիքսել է կեղծ պատվերները

© Sputnik / Andranik GhazaryanYandex Go на площади Республики
Yandex Go на площади Республики - Sputnik Արմենիա, 1920, 17.11.2021
Բաժանորդագրվեք
Այսօրվա հարձակումն ամենախոշորը չէ։ Ծառայության վրա նման հարձակումներ պարբերաբար են տեղի ունենում։ Առանձնահատուկ ակտիվություն է դրսևորվում Հայաստանի համար կարևոր օրերին, օրինակ` ապրիլի 24-ին։
ԵՐԵՎԱՆ, 17 նոյեմբերի - Sputnik. Երևանում «Yandex.Go» ծառայությունը կեղծ, այսինքն՝ գոյություն չունեցող պատվերների զանգվածային փորձեր է արձանագրել։ Տեղեկությունը Sputnik Արմենիային հայտնեց «Yandex.Go»–ի միջազգային մամուլի ծառայության ղեկավար Նատալյա Ժուրավլյովան։
Պատվերները կատարվում են որոշակի հասցեներով, այնուհետև չեղյալ են հայտարարվում։ Այդ հարձակումները, սակայն, չեն ազդել ծառայության աշխատանքի վրա։
Ավելի վաղ սոցցանցերի ադրբեջանական տիրույթում հաղորդագրություն էր տարածվել, որով կոչ էր արվում տաքսի պատվիրել Բաղրամյան 26-ից դեպի «Զվարթնոց» օդանավակայան:
© Photo : TelegramԱդրբեջանական Տելեգրամ–ալիքներում հրապարակված կոչը
Скрин поста азербайджанского телеграмм-канала - Sputnik Արմենիա, 1920, 17.11.2021
Ադրբեջանական Տելեգրամ–ալիքներում հրապարակված կոչը
«Սա հարձակման առաջին փորձը չէ։ Մենք նման հարձակումները կարողանում ենք հետևել և արդյունավետ պայքարել դրանց դեմ։ «Yandex.Go»–ի տեխնոլոգիաների շնորհիվ հնարավոր է արդյունավետ կերպով արգելափակել նման գրոհները»,– ընդգծեց Ժուրավլյովան։
Ադրբեջանական ԶՈւ կողմից ՀՀ–ի նկատմամբ իրականացվող ագրեսիայի առթիվ քրեական գործ է հարուցվել
Նրա խոսքով՝ այսօրվա գրոհն ամենամեծը չէ, չեղարկումների քանակն ընդամենը մի քանի անգամ է գերազանցել սովորական ցուցանիշները։ Ժուրավլյովան շեշտեց, որ հոկտեմբերի 23-ին էլ է եղել հարձակման դեպք, երբ տաքսիները զանգվածաբար կանչվել են «Եռաբլուր» զինվորական պանթեոն։ Նախորդ խոշոր դեպքը տեղի է ունեցել ապրիլի 24-26–ն ընկած ժամանակահատվածում։ Այն ժամանակ փորձել են մեքենաներ կանչել Բաղրամյան 26 կամ այլ կարևոր հասցեներ։ Ժուրավլյովայի խոսքով` ծառայության տեխնոլոգիաներն արդյունավետորեն որսացել են հարձակումները, ինչի շնորհիվ ծառայության վրա ազդեցությունը նվազագույն է եղել։
Yandex–ը ՀՀ–ում․ արդյոք անվարորդ մեքենաները կփոխարինեն տաքսիներին, և ինչու են աճում գները
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала