Արմեն Սարգսյանը ադրբեջանցիների ներխուժման մասին պատմել է Սինգապուրի նախագահին

© Photo : official site of the President of RAՀՀ նախագահ Արմեն Սարգսյանը հանդիպել է Սինգապուրի նախագահ Հալիմա Յակոբի հետ (17 նոյեմբերի, 2021թ․). Սինգապուր
ՀՀ նախագահ Արմեն Սարգսյանը հանդիպել է Սինգապուրի նախագահ Հալիմա Յակոբի հետ (17 նոյեմբերի, 2021թ․). Սինգապուր - Sputnik Արմենիա, 1920, 17.11.2021
Բաժանորդագրվեք
ՀՀ նախագահն անդրադարձել է Ադրբեջանի սանձազերծած 44-օրյա պատերազմից հետո ստեղծված իրավիճակին և մանրամասներ ներկայացրել Հալիմա Յակոբին։
ԵՐԵՎԱՆ, 17 նոյեմբերի – Sputnik. ՀՀ նախագահ Արմեն Սարգսյանը ադրբեջանցիների կողմից Հայաստանի ինքնիշխան տարածք ներխուժելու վերաբերյալ տեղեկություններ է ներկայացրել Սինգապուրի նախագահ Հալիմա Յակոբին։ Տեղեկությունը հայտնում է նախագահի աշխատակազմը` հավելելով, որ Սինգապուրում գտնվող Սարգսյանը հանդիպել է Յակոբի հետ։
Հայտնել էինք, որ նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ Դրանից հետո տեղային մարտեր էին սկսվել։
«Սարգսյանը տեղեկություններ է ներկայացրել նաև Լեռնային Ղարաբաղի հակամարտության պատմության, Ադրբեջանի սանձազերծած 44-օրյա պատերազմից հետո ստեղծված իրավիճակի, մարդասիրական խնդիրների և Ադրբեջանի շարունակական ագրեսիվ գործողությունների վերաբերյալ»,–նշված է հաղորդագրության մեջ։
Յակոբն էլ իր հերթին նշել է, որ պատրաստ են մի շարք ոլորտներում իրենց փորձառությամբ ու խորհուրդներով օգնել Հայաստանին:
Նախագահ Արմեն Սարգսյանը մասնակցում է ՄԱԿ-ի՝ Կլիմայի փոփոխության մասին շրջանակային կոնվենցիայի կողմերի 26-րդ համաժողովին (1 նոյեմբերի 2021): Գլազգո - Sputnik Արմենիա, 1920, 17.11.2021
Արմեն Սարգսյանն անդրադարձել է ադրբեջանական ագրեսիայի հետևանքով ստեղծված իրավիճակին
Երկու նախագահները դրվատանքով են խոսել Սինգապուրի հայ համայնքի մասին՝ ընդգծելով Սինգապուրի պատմության ընթացքում հայ համայնքի ունեցած նշանակալի դերակատարումը, ներդրումն առևտրի, տնտեսության, մշակույթի ու մի շարք այլ ոլորտներում: Նշվել է, որ շատ հայերի անուններ առհավետ միահյուսված են Սինգապուրի ժողովրդի պատմությանը. երկրի ամենահին հյուրանոցը հիմնադրվել է հայ ընտանիքի կողմից, Սինգապուրի ազգային ծաղիկը՝ Սինգապուրյան խոլորձը կրում է հայազգի ծաղկաբույծ Ագնես Ջոակիմի (Հովակիմյան) անունը:
Հիշեցնենք, որ նախագահը Սինգապուրում է «The Bloomberg New Economy» միջազգային հեղինակավոր համաժողովին մասնակցելու համար։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала