Բլինկենը ՀՀ–ին և Ադրբեջանին կոչ է արել շտապ քայլեր ձեռնարկել էսկալացիայից խուսափելու համար

© AP Photo / Manuel Balce CenetaԷնթոնի Բլինկեն
Էնթոնի Բլինկեն - Sputnik Արմենիա, 1920, 17.11.2021
Բաժանորդագրվեք
ԱՄՆ պետքարտուղարը հղում է արել ԵԱՀԿ Մինսկի խմբի համանախագահների նոյեմբերի 15-ի հայտարարությանը` Լեռնային Ղարաբաղի հակամարտությունը բանակցությունների միջոցով լուծելու վերաբերյալ։
ԵՐԵՎԱՆ, 17 նոյեմբերի – Sputnik. ԱՄՆ պետքարտուղար Էնթոնի Բլինկենը Հայաստանին և Ադրբեջանին կոչ է արել անհապաղ միջոցներ ձեռնարկել սահմանին լարվածությունը նվազեցնելու և հետագա սրացումից խուսափելու համար։ Այս մասին ասվում է ԱՄՆ պետքարտուղարության հրապարակած հայտարարության մեջ։

«Միացյալ Նահանգները խորապես անհանգստացած է Հայաստանի և Ադրբեջանի միջև ակտիվ ռազմական գործողությունների մասին հաղորդագրություններով։ Մենք երկու կողմերին կոչ ենք անում անհապաղ կոնկրետ միջոցներ ձեռնարկել լարվածությունը նվազեցնելու, հետագա սրացումից խուսափելու ու առկա բոլոր խնդիրներին լուծումներ գտնելու համար, այդ թվում՝ սահմանագծում»,–ասել է նա։

Նա նաև հղում է արել ԵԱՀԿ Մինսկի խմբի համանախագահների նոյեմբերի 15-ի հայտարարությանը` հիշեցնելով, որ դրանում Հայաստանի և Ադրբեջանի միջև լարվածության վերջին աճը մեկնաբանվում էր Լեռնային Ղարաբաղի հակամարտության համապարփակ լուծման անհրաժեշտությամբ` բանակցությունների միջոցով, երկարաժամկետ հիմքի վրա։
ՄԱԿ - Sputnik Արմենիա, 1920, 17.11.2021
ՄԱԿ-ում ՀՀ մշտական ներկայացուցիչը կոչ է արել արձագանքել Ադրբեջանի գործողություններին
Հիշեցնենք` ՀՀ ՊՆ–ն հայտնել էր, որ նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։ Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը:
Պաշտպանական գերատեսչությունն ավելի վաղ հայտնել էր, որ հայկական կողմը 2 մարտական դիրք է կորցրել, 12 զինծառայողի գերեվարել: Ճշտված տվյալներ կան մեկ զոհի մասին: Վիրավորների վերաբերյալ տվյալները ճշտվում են։
ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել էր, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։
Նոյեմբերի 16–ին` ժ. 22։30–ի սահմաններում, ՀՀ ՊՆ–ն հայտնեց, որ ռուսական կողմի միջնորդությամբ կրակը դադարեցվել է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала