https://arm.sputniknews.ru/20211117/gnatshy-hasel-e-91-tokvosi-kbi-kankhatesumnern-arajika-amisneri-hamar-lavatesakan-chen-35439115.html
Գնաճը հասել է 9.1 տոկոսի. ԿԲ–ի կանխատեսումներն առաջիկա ամիսների համար լավատեսական չեն
Գնաճը հասել է 9.1 տոկոսի. ԿԲ–ի կանխատեսումներն առաջիկա ամիսների համար լավատեսական չեն
Sputnik Արմենիա
ՀՀ ԿԲ նախագահ Մարտին Գալստյանն ԱԺ–ում ներկայացրել է գնաճի պատճառներն ու առաջիկա տարվա համար կանխատեսումները։ 17.11.2021, Sputnik Արմենիա
2021-11-17T13:25+0400
2021-11-17T13:25+0400
2021-11-17T13:33+0400
կենտրոնական բանկ (կբ)
հայաստան
գնաճ
https://cdn.am.sputniknews.ru/img/2292/65/22926541_0:0:1600:901_1920x0_80_0_0_10d973f774eb47442a9c48a2356fa989.jpg
ԵՐԵՎԱՆ, 17 նոյեմբերի – Sputnik. 2021թ–ին Հայաստանում գրանցված գնաճի բարձր մակարդակը պայմանավորված է համաշխարհային տնտեսության իրողություններով։ Այս մասին այսօր ԱԺ–ում 2022թ–ի բյուջեի քննարկման ժամանակ ասաց ՀՀ ԿԲ նախագահ Մարտին Գալստյանը։ «Տո դուք էլ, ձեր տնտեսական քաղաքականությունն էլ, էդ էիք ուզո՞ւմ». Խաչատրյանը խոսեց գնաճից«Այս տարի սպեցիֆիկ տարի էր` իր բոլոր դրսևորումներով` պայմանավորված կորոնավիրուսի հետևանքներով, համաշխարհային շուկաներում հիմնական պարենային ապրանքների գների, ինչպես նաև` առաջարկի նկատմամբ պահանջարկի առաջանցիկ աճով։ Առաջարկն ամբողջ աշխարհում, ըստ էության, հետ է ընկնում` կորոնավիրուսով պայմանավորված։ Օրինակ` վերջերս Ռուսաստանի հսկաներից մեկը` «Լադան» դադարեցրեց ավտոմեքենաների արտադրությունը, որովհետև չիպեր չկան աշխարհում։ Այսինքն` չիպ արտադրող գրծարաններն ասում են, որ դրանք շուկայում կհայտնվեն 3 տարի անց»,– ասաց Գալստյանը։ Միաժամանակ աշխարհի շատ երկրներում հանրությանը լրացուցիչ ֆինանսական աջակցություններ են տրվել, առաջացել է փողի ավելցուկ, որը խթանել է պահանջարկը։ Բարձր պահանջարկն ու առաջարկի սակավությունն էլ նպաստել է գների անհամաչափ բարձրացմանը։ Գնաճի երկրորդ պատճառը, ըստ նրա, ամբողջ աշխարհում պարենի բարձր գներն են։ Թանկացման պատճառն էլ բեռնափոխադրումների գների բարձրացումն է ու շատ երկրներում այս տարի ստացված ցածր բերքը։ Հայաստանյան շուկայում 2021թ–փողի ավելացումը ԿԲ նախագահը մեկնաբանում է 2020թ–ի կորոնավիրուսային տարում խնայված փողը ծախսելու հանգամանքով։ «Դա հավելյալ պահանջարկ ստեղծեց, որի արդյունքում մեր գնաճն այս պահի դրությամբ 9.1 տոկոս է»,– հայտնեց Գալստյանը` հիշեցնելով, որ գնաճը զսպելու համար ԿԲ–ն տարվա ընթացքում արդեն մի քանի անգամ բարձրացրել է վերաֆինանսավորման տոկոսադրույքը։ Գնաճային ճնշումներն աննախադեպ են. տնտեսագետը խոսեց ներքին և արտաքին պատճառների մասին«Մենք ակնկալում ենք, որ տարեվերջին կունենանք գնաճ, որը կգերազանցի մեր թիրախը, բայց լիահույս ենք, ու բոլոր ջանքերն արդեն գործադրված են, որ, եթե նոր ռիսկեր ի հայտ չգան, մենք մյուս տարի կվերադառնանք մեր թիրախին»,– ասաց Գալստյանը։ Հիշեցնենք` ԿԲ հաստատած վերաֆինանսավորման տոկոսադրույքն այս պահին ՀՀ–ում անփոփոխ է՝ 7.25% է։ Այն վերջին անգամ բարձրացվել էր սեպտեմբերին` 7 տոկոսից դառնալով 7.25%: Այդ պահին, ԿԲ գնահատմամբ, 12–ամսյա գնաճը` 2020–ի համեմատ կազմում էր 8.9%։
https://arm.sputniknews.ru/20211101/mer-aprustn-inch-e-mi-ktvor-chvor-hac-en-el-hren-ha-gnatshic-kakhvats-34888683.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կենտրոնական բանկ (կբ), հայաստան, գնաճ
կենտրոնական բանկ (կբ), հայաստան, գնաճ
Գնաճը հասել է 9.1 տոկոսի. ԿԲ–ի կանխատեսումներն առաջիկա ամիսների համար լավատեսական չեն
13:25 17.11.2021 (Թարմացված է: 13:33 17.11.2021) ՀՀ ԿԲ նախագահ Մարտին Գալստյանն ԱԺ–ում ներկայացրել է գնաճի պատճառներն ու առաջիկա տարվա համար կանխատեսումները։
ԵՐԵՎԱՆ, 17 նոյեմբերի – Sputnik. 2021թ–ին Հայաստանում գրանցված գնաճի բարձր մակարդակը պայմանավորված է համաշխարհային տնտեսության իրողություններով։ Այս մասին այսօր ԱԺ–ում 2022թ–ի բյուջեի քննարկման ժամանակ ասաց ՀՀ ԿԲ նախագահ Մարտին Գալստյանը։
«Այս տարի սպեցիֆիկ տարի էր` իր բոլոր դրսևորումներով` պայմանավորված կորոնավիրուսի հետևանքներով, համաշխարհային շուկաներում հիմնական պարենային ապրանքների գների, ինչպես նաև` առաջարկի նկատմամբ պահանջարկի առաջանցիկ աճով։
Առաջարկն ամբողջ աշխարհում, ըստ էության, հետ է ընկնում` կորոնավիրուսով պայմանավորված։ Օրինակ` վերջերս Ռուսաստանի հսկաներից մեկը` «Լադան» դադարեցրեց ավտոմեքենաների արտադրությունը, որովհետև չիպեր չկան աշխարհում։ Այսինքն` չիպ արտադրող գրծարաններն ասում են, որ դրանք շուկայում կհայտնվեն 3 տարի անց»,– ասաց Գալստյանը։
Միաժամանակ աշխարհի շատ երկրներում հանրությանը լրացուցիչ ֆինանսական աջակցություններ են տրվել, առաջացել է փողի ավելցուկ, որը խթանել է պահանջարկը։ Բարձր պահանջարկն ու առաջարկի սակավությունն էլ նպաստել է գների անհամաչափ բարձրացմանը։
Գնաճի երկրորդ պատճառը, ըստ նրա, ամբողջ աշխարհում պարենի բարձր գներն են։ Թանկացման պատճառն էլ բեռնափոխադրումների գների բարձրացումն է ու շատ երկրներում այս տարի ստացված ցածր բերքը։
Հայաստանյան շուկայում 2021թ–փողի ավելացումը ԿԲ նախագահը մեկնաբանում է 2020թ–ի կորոնավիրուսային տարում խնայված փողը ծախսելու հանգամանքով։
«Դա հավելյալ պահանջարկ ստեղծեց, որի արդյունքում մեր գնաճն այս պահի դրությամբ 9.1 տոկոս է»,– հայտնեց Գալստյանը` հիշեցնելով, որ գնաճը զսպելու համար ԿԲ–ն տարվա ընթացքում արդեն մի քանի անգամ բարձրացրել է վերաֆինանսավորման տոկոսադրույքը։
«Մենք ակնկալում ենք, որ տարեվերջին կունենանք գնաճ, որը կգերազանցի մեր թիրախը, բայց լիահույս ենք, ու բոլոր ջանքերն արդեն գործադրված են, որ, եթե նոր ռիսկեր ի հայտ չգան, մենք մյուս տարի կվերադառնանք մեր թիրախին»,– ասաց Գալստյանը։
Հիշեցնենք` ԿԲ հաստատած վերաֆինանսավորման տոկոսադրույքն այս պահին ՀՀ–ում անփոփոխ է՝ 7.25% է։ Այն վերջին անգամ բարձրացվել էր սեպտեմբերին` 7 տոկոսից դառնալով 7.25%: Այդ պահին, ԿԲ գնահատմամբ, 12–ամսյա գնաճը` 2020–ի համեմատ կազմում էր 8.9%։
