https://arm.sputniknews.ru/20211117/hasceakan-ardzaganq-e-petq-ararat-mirzvojany-zrucel-e-lavrvovi-ev-ajl-gvortsynkerneri-het-35468613.html

Հասցեական արձագանք է պետք. Արարատ Միրզոյանը զրուցել է Լավրովի և այլ գործընկերների հետ

Հասցեական արձագանք է պետք. Արարատ Միրզոյանը զրուցել է Լավրովի և այլ գործընկերների հետ

Sputnik Արմենիա

Միրզոյանն իր գործընկերների հետ հեռախոսազրույցի ժամանակ շեշտել է, որ տարածաշրջանում իրավիճակի դեէսկալացիայի ուղղությամբ ՀՀ կողմից գործադրվող ջանքերին ի պատասխան... 17.11.2021, Sputnik Արմենիա

2021-11-17T23:02+0400

2021-11-17T23:02+0400

2021-11-17T23:08+0400

արարատ միրզոյան

հայաստան

ռուսաստան

տարածաշրջան

ադրբեջան

ամն

սահման

եահկ

անն լինդե

սահմանային խախտումներ. իրադրությունը սյունիքում և գեղարքունիքում

https://cdn.am.sputniknews.ru/img/07e5/08/1f/28840149_0:67:1280:787_1920x0_80_0_0_7b849357723d53b7b0fef3eb8663e326.jpg

ԵՐԵՎԱՆ, 17 նոյեմբերի – Sputnik. Նոյեմբերի 16-ին ադրբեջանական զինված ուժերի կողմից Հայաստանի ինքնիշխան տարածքի նկատմամբ սանձազերծված ռազմական գործողությունների հետևանքով ստեղծված իրավիճակն ՀՀ ԱԳ նախարար Արարատ Միրզոյանը ներկայացրել է իր գործընկերներին։ Տեղեկությունը հայտնում է ԱԳՆ–ն` հավելելով, որ Միրզոյանը հեռախոսազրույցներ է ունեցել ՌԴ ԱԳ նախարար Սերգեյ Լավրովի, Շվեդիայի ԱԳ նախարար, ԵԱՀԿ գործող նախագահ Անն Լինդեի, ինչպես նաև ԱՄՆ պետքարտուղարի եվրոպական և եվրասիական հարցերով տեղակալ Քերըն Դոնֆրիդի հետ։Միրզոյանը նշել է, որ այս գործողություններին նախորդել են Ադրբեջանի բարձրագույն իշխանությունների կողմից ամիսներ շարունակ Հայաստանի տարածքային ամբողջականության և ինքնիշխանության դեմ ուժի կիրառման սպառնալիքները և ագրեսիվ հռետորաբանությունը։ Բացի այդ, նա հիշեցրել է ընթացիկ տարվա մայիսի 12-ից ադրբեջանական զինված ուժերի ներթափանցումը ՀՀ ինքնիշխան տարածք՝ Սյունիքի և Գեղարքունիքի մարզերի ուղղությամբ:Միրզոյանը շեշտել է, որ տարածաշրջանում իրավիճակի դեէսկալացիայի ու կայունության հաստատման ուղղությամբ Հայաստանի կողմից գործադրվող ջանքերին ի պատասխան Ադրբեջանի իշխանությունները հերթական ագրեսիա են ձեռնարկել ՀՀ ինքնիշխան տարածքի նկատմամբ։Զրուցակիցներն անդրադարձել են նաև ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության խաղաղ կարգավորման գործընթացին: Այս համատեքստում կարևորվել է ԵԱՀԿ Մինսկի խմբի համանախագահների՝ տարածաշրջան շուտափույթ այցելության իրականացումը:Կողմերը նաև մտքեր են փոխանակել հրատապ լուծում պահանջող հումանիտար խնդիրների վերաբերյալ: Այս առնչությամբ Արարատ Միրզոյանը շեշտել է հայ ռազմագերիների, պատանդների և այլ պահվող անձանց անվերապահ հայրենադարձման անհրաժեշտությունը։ՀՀ–ն միջազգային գործընկերներին կոչ է անում դատապարտել Ադրբեջանի քայլերը. ՆազարյանՀիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։Դրանից հետո տեղային մարտեր էին սկսվել։ Արդյունքում հայկական կողմը 2 մարտական դիրք կորցրեց։Նոյեմբերի 16–ին` ժ. 18։30–ի սահմաններում, ռուսական կողմի միջնորդությամբ կրակը դադարեցվեց։Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի արդյունքում թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։

https://arm.sputniknews.ru/20211117/muradvovy-hajatan-e-teghapvokhel-e-mek-haj-zintsarajvoghin-marmin-35466583.html

ադրբեջան

ամն

2021

Լուրեր

am_HY

արարատ միրզոյան, հայաստան, ռուսաստան, տարածաշրջան , ադրբեջան, ամն, սահման, եահկ, անն լինդե, սահմանային խախտումներ. իրադրությունը սյունիքում և գեղարքունիքում