ՀՀ ԱԽ քարտուղարն ասել է, թե Երևանն ինչ աջակցություն է ակնկալում Մոսկվայից

© Sputnik / Aram NersesyanԱրմեն Գրիգորյան
Արմեն Գրիգորյան - Sputnik Արմենիա, 1920, 17.11.2021
Արմեն Գրիգորյան
Բաժանորդագրվեք
Արմեն Գրիգորյանի խոսքով` եթե խնդիրը չլուծվի դիվանագիտական ճանապարհով, ապա կդիտարկվի ռազմական տարբերակը։
ԵՐԵՎԱՆ, 17 նոյեմբերի – Sputnik. Սահմանին Ադրբեջանի սանձազերծած ագրեսիայից հետո Հայաստանն իր ռազմավարական դաշնակից Ռուսաստանից դիվանագիտական և ռազմական աջակցություն է ակնկալում։ ՀՀ անվտանգության խորհրդի քարտուղար Արմեն Գրիգորյանն այդ մասին ասել է «Կոմերսանտին» տված հարցազրույցում։
Երեկ Գրիգորյանը Հայաստանի հանրային հեռուստաընկերության եթերում հայտարարել էր` քանի որ Ադրբեջանը հարձակվել է Հայաստանի տարածքի վրա, մենք դիմում ենք Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։ Նա նշել էր, որ դա բանավոր դիմում է, որը նաև գրավոր ընթացակարգ է ունենալու։
Գրիգորյանի խոսքով` ադրբեջանական զինված ուժերն այսօր գտնվում են Հայաստանի ինքնիշխան տարածքում, և դա ագրեսիայի գործողություն է։

«1997 թվականին Հայաստանն ու Ռուսաստանը պայմանավորվել են նման դեպքերում փոխադարձ օգնել միմյանց: Հենց այդ առնչությամբ էլ դիմել ենք Ռուսաստանին», – հայտարարել է Գրիգորյանը ռուսական լրատվամիջոցին տված հարցազրույցում։

Ճշտող հարցին, թե Երևանը կոնկրետ ինչպիսի՝ ռազմակա՞ն, թե՞ դիվանագիտական օգնություն է առաջնահերթ ակնկալում Մոսկվայից, նա պատասխանել է. «Մենք կողմնակից ենք, որ խնդիրը լուծվի դիվանագիտական ճանապարհով: Սակայն եթե դա դիվանագիտական ճանապարհով հնարավոր չլինի անել, ապա պետք է խնդիրը կարգավորել ռազմական ճանապարհով»:
Նա վստահեցրել է, որ հայկական կողմի համար այս հարցում առաջնահերթ են Ռուսաստանն ու Հավաքական անվտանգության պայմանագրի կազմակերպությունը (ՀԱՊԿ): Սակայն եթե լուծում չգտնվի, հայկական կողմը կդիտարկի նաև մյուս հնարավորությունները։
Գրիգորյանն ընդգծել է, որ ռուսական կողմի ակտիվ մասնակցության շնորհիվ մարտական գործողությունները երեկ դադարեցին, սակայն խնդիրը չի լուծվել, քանի որ ադրբեջանական զինված ուժերը շարունակում են մնալ Հայաստանի ինքնիշխան տարածում։ Անդրադառնալով մոսկովյան այցի օրակարգին (Գրիգորյանը մասնակցում է ԱՊՀ պետությունների Անվտանգության խորհուրդների քարտուղարների ամենամյա հանդիպմանը)` նա հայտարարել է, որ նիստի շրջանակում ադրբեջանցի գործընկեր Ռամիլ Ուսուբովի հետ որևէ շփում չի նախատեսվում։
Անդրեյ Ռուդենկո - Sputnik Արմենիա, 1920, 17.11.2021
Ռուդենկոն և ԵՄ հատուկ ներկայացուցիչը քննարկել են հայ–ադրբեջանական սահմանին տիրող իրավիճակը
Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Դրանից հետո տեղային մարտեր էին սկսվել։
Արդյունքում հայկական կողմը 2 մարտական դիրք կորցրեց, ՀՀ պաշտպանական գերատեսչությունը հայտնեց 13 հայ զինծառայողի գերեվարման և մեկ զոհի մասին:
Նոյեմբերի 16–ին` ժամը 22։30–ի սահմանում, ռուսական կողմի միջնորդությամբ կրակը դադարեցվեց։
Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի հետևանքով թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала