ՀՀ–ի և Ադրբեջանի ներկայացուցիչները մասնակցում են ԱՊՀ երկրների ԱԽ քարտուղարների հանդիպմանը

© Photo : ՀՀ Անվտանգության խորհուրդ / Security Council of Armenia ԱՊՀ երկրների ԱԽ քարտուղարների ամենամյա հանդիպումը
ԱՊՀ երկրների ԱԽ քարտուղարների ամենամյա հանդիպումը - Sputnik Արմենիա, 1920, 17.11.2021
Բաժանորդագրվեք
ԱՊՀ երկրների անվտանգության խորհուրդների քարտուղարները ամենամյա հանդիպման շրջանակում հավաքվել են Մոսկվայում։
ԵՐԵՎԱՆ, 17 նոյեմբերի – Sputnik. Հայաստանի և Ադրբեջանի ԱԽ ներկայացուցիչներ Արմեն Գրիգորյանն ու Ռամիլ Ուսուբովը մասնակցում են Մոսկվայում անցկացվող ԱՊՀ երկրների ԱԽ քարտուղարների ամենամյա հանդիպմանը։ Այս մասին այսօր հայտնել է ՌԴ ԱԽ աշխատակազմի մամուլի ծառայությունը։

«Նիստի մասնակիցների ուշադրության կենտրոնում են ԱՊՀ երկրների անվտանգությանն Աֆղանստանի տարածքից սպառնացող վտանգները, միգրացիայի ոլորտում համագործակցության հարցերը, կենսատեխնոլոգիաների զարգացման հետ կապված խնդիրները», – ասվում է հաղորդագրության մեջ։

Բացի այդ, քննարկվելու են մարդասիրական արձագանքման ոլորտում փոխգործակցության, հանցավոր նպատակներով տեղեկատվահաղորդակցական տեխնոլոգիաների կիրառմանը հակազդելու հարցեր։
Մհեր Գրիգորյան. արխիվային լուսանկար - Sputnik Արմենիա, 1920, 12.11.2021
Բաքուն խանգարում է պայմանավորվածությունների իրականացմանը. ՀՀ փոխվարչապետը` ԱՊՀ նիստին
Հանդիպմանը մասնակցում են Ռուսաստանի, Ադրբեջանի և Հայաստանի ԱԽ քարտուղարներ Նիկոլայ Պատրուշևը, Ռամիլ Ուսուբովը և Արմեն Գրիգորյանը, Բելառուսի ԱԽ պետքարտուղար Ալեքսանդր Վոլֆովիչը, նախագահի օգնական -Անվտանգության խորհրդի քարտուղար Ասետ Իսեկեշևը, Ղրղզստանի և Տաջիկստանի ԱԽ քարտուղարներ Մարատ Իմանկուլովն ու Նասրուլլո Մահմուդզոդան, նախարարների կաբինետի փոխնախագահ, Թուրքմենստանի պետական ԱԽ քարտուղար Չարիմիրատ Ամանովը, Ուզբեկստանի նախագահին կից ԱԽ քարտուղար Վիկտոր Մախմուդովը, ինչպես նաև Մոլդովայի ներկայացուցիչներ, ԱՊՀ գործադիր քարտուղար Սերգեյ Լեբեդևն ու ՀԱՊԿ գլխավոր քարտուղար Ստանիսլավ Զասը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала