Ի՞նչ է նշանակում գերի ընկնել. Փաշինյանը վստահեցնում է` հնարավոր չէ չկրակելու հրաման տրվի

© Aram NersesyanՆիկոլ Փաշինյան
Նիկոլ Փաշինյան - Sputnik Արմենիա, 1920, 17.11.2021
Նիկոլ Փաշինյան. Արխիվային լուսանկար
Բաժանորդագրվեք
Նիկոլ Փաշինյանը հայտարարեց, որ պետք է քննվի, թե ի՞նչ հանգամանքներում են մեր զինվորները գերի ընկել։
ԵՐԵՎԱՆ, 17 նոյեմբերի – Sputnik. Հնարավոր չէ այդպիսի բան, որ ՀՀ սահմանների վերաբերյալ տրվի չկրակելու, սահմանը չպաշտպանելու հրաման։ Կառավարության անդամների հետ հարցուպատասխանի ժամանակ ԱԺ–ում հայտարարեց վարչապետ Նիկոլ Փաշինյանը` անդրադառնալով լուրերին, թե առաջնագծում կանգնած զինվորներին չկրակելու հրաման է տրված։
Հայտնել էինք, որ երեկ պաշտպանության նախկին նախարար, «Հայաստան» խմբակցության ղեկավար Սեյրան Օհանյանն անդրադարձել էր 4 դիրքերից մեր զինվորների դուրս գալուն։ Օհանյանի խոսքով` այն, որ դրանք հայտնվել են հակառակորդի դիտարկման ներքո փաստում է, որ զորքերին ցուցում չի տրված` ինչպես գործել և անհրաժեշտության դեպքում թույլ չտալ, որ հակառակորդը մխրճվի մեր բանակ։
Ադրբեջանի և Հայաստանի դրոշներ - Sputnik Արմենիա, 1920, 17.11.2021
ԵԽ Հայաստանի ու Ադրբեջանի հարցերով զեկուցողները դատապարտել են Ադրբեջանի ագրեսիան
«Հնարավոր չէ տրվի չկրակելու հրաման` դա կլինի պետական դավաճանություն։ Նման բան ուղղակի չի կարող լինել, քանի որ չկրակելու գրավոր կամ բանավոր հրաման տվողը պետական դավաճանություն կգործի»,–ասաց Փաշինյանը։
Ինչ վերաբերում է երեկվա դեպքերից հետո մեր զինծառայողներին գերեվարելու դեպքին, ապա Փաշինյանը նշեց, որ ժամանակն է, որ գերեվարման յուրաքանչյուր դեպք պատշաճ ձևով հետաքննվի։ Նրա խոսքով` ՀՀ ԶՈւ–ում ծառայության անցնող յուրաքանչյուր անձ ունի պարտականություններ։ «Գուցե սխալ ենք վարվել էմոցիոնալ ֆոնի վրա` ի՞նչ է նշանակում գերի ընկնել, ի՞նչ հանգամանքներում է դա եղել` պետք է քննվի։ Զինվորական կանոնագրերը սահմանում են, թե որ դեպքում գերի ընկնելը չի համարվում հանցագործություն»,–ասաց նա։
ՀՀ ԱԽ քարտուղարն ասել է, թե Երևանն ինչ աջակցություն է ակնկալում Մոսկվայից
Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Դրանից հետո տեղային մարտեր էին սկսվել։
Արդյունքում հայկական կողմը 2 մարտական դիրք կորցրեց, ՀՀ պաշտպանական գերատեսչությունը հայտնեց 12 հայ զինծառայողի գերեվարման և մեկ զոհի մասին:
Նոյեմբերի 16–ին` ժ. 22։30–ի սահմաններում, ռուսական կողմի միջնորդությամբ կրակը դադարեցվեց։
Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի արդյունքում թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала