Իրավական հիմք չի կարող լինել. Վարդևանյանը` գերիների վերաբերյալ Փաշինյանի խոսքերի մասին

© Sputnik / Aram NersesyanԱրամ Վարդևանյան
Արամ Վարդևանյան - Sputnik Արմենիա, 1920, 17.11.2021
Բաժանորդագրվեք
«Հայաստան» դաշինքի պատգամավորներն անդրադարձան Նիկոլ Փաշինյանի հայտարարությանը, թե պետք է քննվի` ինչ հանգամանքներում են մեր տղաները գերի ընկել։
ԵՐԵՎԱՆ, 17 նոյեմբերի – Sputnik. Եթե մարդը ռազմագերի է, դա հատուկ կարգավիճակ է։ Անկախ նրանից` ինչպես է դա եղել, ինչ հանգամանքներում, ՀՀ–ն ունի մեկ պարտականություն` րոպե շուտ ամեն ինչ անել, որպեսզի մեր հայրենակիցները լինեն ՀՀ–ում։
Այսօր հրավիրված ասուլիսի ժամանակ հայտարարեց «Հայաստան» խմբակցության պատգամավոր Արամ Վարդևանյանն` անդրադառնալով վարչապետ Նիկոլ Փաշինյանի հայտարարությանը։
ՄԽ-ն մտահոգված է հայ-ադրբեջանական սահմանին տիրող իրավիճակով. որտե՞ղ են համանախագահները
Կառավարության անդամների հետ հարցուպատասխանի ժամանակ Փաշինյանը, անդրադառնալով երեկ գերի ընկած տղաների դեպքին, նշել էր. «Ի՞նչ է նշանակում գերի ընկնել, ի՞նչ հանգամանքներում է դա եղել` պետք է քննվի»։ Նրա խոսքով` զինվորական կանոնագրերը սահմանում են, թե որ դեպքում գերի ընկնելը չի համարվում հանցագործություն։
«Սթափ կերպով հնարավոր չէ ընկալել այդ միտքը։ Եթե նման միտք արտահայտի Ալիևը կամ ալիևները, գուցե իրենց ազգի շահի տեսանկյունից ինչ–որ տրամաբանություն լինի այդտեղ։ Իրավական հիմք, իհարկե, չի կարող լինել այս ամենում։ Չզարմանաք, որ թշնամին սկսի օգտվել այս հայտարարությունից` չէ՞ որ մենք չենք կարող ասել, որ նշված անձը սթափ հայտարարություն չի արել»,–ասաց Վարդևանյանը։
Նիկոլ Փաշինյան - Sputnik Արմենիա, 1920, 17.11.2021
Ինչո՞ւ է Գորիս–Կապան ճանապարհի մի հատվածը կոչում Էյվազլի– Չայզանի. Փաշինյանի պատասխանը
Խմբակցության մեկ այլ պատգամավոր էլ` Աղվան Վարդանյանը, նշեց, թե արդյո՞ք Փաշինյանի ասածը վերաբերում է նաև այն տղաներին, որոնց հետ վերադարձնելու համար վարչապետը հայտարարում էր, թե պատրաստ է իր տղային հանձնել նրանց փոխարեն։
«Հիմա նա ուղղակի «կռուտիտներ» է անում։ Այսօր ելնել ու գերիների մասին նման հայտարարություն անել` անբարոյականության վերջին սահմանն է»,–ասաց Վարդանյանը։
Հավելենք, որ «Հայաստանը» բոյկոտել է ԱԺ նիստերը և երեկվանից չի մասնակցում դրանց։ Խմբակցությունը հայտնել էր` երկրում տիրող այս լարված իրավիճակում ԱԺ–ում որևէ հարց ներառված չէ սահմանին տիրող իրավիճակի առնչությամբ և ոչ կարևոր նախագծեր են քննարկվում։
Ստեղծվել է ծանրագույն իրավիճակ. ԱԱԾ պահեստազորի սպաների միությունը հայտարարություն է արել
Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի արդյունքում թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала