Կապանի ու Գորիսի ԲԿ–ներին լրացուցիչ կտրամադրվեն շտապօգնության ամենագնաց մեքենաներ. նախարար

© Sputnik / Asatur YesayantsՇտապօգնության մեքենաներ. արխիվային լուսանկար
Շտապօգնության մեքենաներ. արխիվային լուսանկար - Sputnik Արմենիա, 1920, 17.11.2021
Բաժանորդագրվեք
Առողջապահության նախարարության աշխատակիցները տեղակալներից մեկի գլխավորությամբ նոյեմբերի 16-ին եղել են Սյունիքի և Վայոց Ձորի մարզերում, իրականացրել բնակիչների կարիքների գնահատում։
ԵՐԵՎԱՆ, 17 նոյեմբերի – Sputnik. ՀՀ առողջապահության նախարարի տեղակալներից մեկը աշխատանքային խմբով նոյեմբերի 16-ին եղել է ՀՀ Սյունիքի մարզի մի շարք գյուղերում, որպեսզի բուժօգնության կարիք ունեցող անձանց խնդիրներն ուսումնասիրեն։
Իշխանասարի բնակիչներ - Sputnik Արմենիա, 1920, 17.11.2021
Իրենք սարի գլխին են, մենք` սարի տակ. ինչ են պատմում Իշխանասարի բնակիչները
Այս մասին Ազգային ժողովում լրագրողների հետ ճեպազրույցում ասաց ՀՀ առողջապահության նախարար Անահիտ Ավանեսյանը` անդրադառնալով ՀՀ Սյունիքի մարզի Բարձրավան գյուղի (շրջափակման մեջ է հայտնվել Երևան–Կապան ճանապարհին ադրբեջանական մաքսակետի տեղադրման պատճառով), ինչպես նաև Ճակատեն, Սրաշեն, Շիկահող, Ներքին Հանդ, Ծավ և Շիշկերտ գյուղերի խնդիրներին, որոնց բնակիչները 150 կմ պետք է շրջանցեն Կապան հասնելու համար։

«Թե՛ մարզային, թե՛ Երևան քաղաքի շտապօգնության ծառայությունը մոբիլիզացված վիճակում է։ Տեղակալս երեկ եղել նաև Վայոց Ձորի մարզում։Մեր աշխատակիցները եղել են բոլոր համայնքներում, որտեղ հնարավոր են խնդիրներ։ Դրանք կապահովվեն իրենց անհրաժեշտ առաջին օգնության բոլոր պարագաներով։ Կապանի ու Գորիսի բժշկական կենտրոններին արդեն իսկ տրամադրվել են շտապօգնության հավելյալ ամենագնաց մեքենաներ, լրացուցիչ կրկին կտրվի»,– նշեց Ավանեսյանը։

Վերջինս վստահեցրեց, որ տեղի բնակիչների առողջությանը վերաբերող ցանկացած հարց կկազմակերպվի։
Բարձրավանի բնակիչ Սամվել Հարությունյանը - Sputnik Արմենիա, 1920, 15.11.2021
Ադրբեջանական անցակետն ու մեկուսացումը. Բարձրավանում հիվանդ երեխային դեղորայք է անհրաժեշտ
Հիշեցնենք` նոյեմբերի 10–ին ՀՀ ԱԽՔ Արմեն Գրիգորյանը Հանրային հեռուստաընկերությանը տված հարցազրույցի ժամանակ ասաց, որ Գորիս–Կապան ճանապարհին Ադրբեջանը գիշերը մաքսակետեր կտեղադրի։
Նոյեմբերի 14-ին էլ ՀՀ ԱԱԾ–ն հայտարարեց, որ Սյունիքի մարզի Կապան-Ճակատեն ավտոճանապարհի` ադրբեջանական վերահսկողության տակ գտնվող հատվածում նոյեմբերի 15-ին՝ ժամը 00։00-ից ադրբեջանական կողմն անցակետ կտեղակայի սահմանային և մաքսային հսկողություն իրականացնելու նպատակով։
Նշենք, որ Ճակատեն տանող ճանապարհը կորցնելով` Սարաշեն, Ճակատեն, Շիկահող և Վերին հանդ գյուղերի 600 բնակիչները բարդ կացության մեջ են հայտնվել։ Եթե նախկինում 10 կիլոմետր էին հատում և Կապան հասնում, ապա հիմա Մեղրիով, Քաջարանով 150 կիլոմետր շրջանց կատարելով պետք է Կապան հասնեն։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала