Մոսկվան կոչ է անում Երևանին ու Բաքվին զուսպ լինել․ ՌԴ ԱԳՆ

© Photo : МИД РФ / Անցնել ֆոտոբանկՄարիա Զախարովա
Մարիա Զախարովա - Sputnik Արմենիա, 1920, 17.11.2021
Մարիա Զախարովա. Արխիվային լուսանկար
Բաժանորդագրվեք
Նա հիշեցրել է, որ Ռուսաստանը շփման մեջ է թե՛ Հայաստանի, թե՛ Ադրբեջանի հետ՝ իրավիճակը խաղաղ հուն տեղափոխելու համար։
ԵՐԵՎԱՆ, 17 նոյեմբերի - Sputnik. Ռուսաստանը կոչ է անում Հայաստանին ու Ադրբեջանին զսպվածություն ցուցաբերել, նոր միջադեպեր թույլ չտալ ու բոլոր վեճերը լուծել բացառապես քաղաքական-դիվանագիտական ճանապարհով: Տեղեկությունն ամենշաբաթյա ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նշել է, որ Երևանի ու Բաքվի պաշտոնական ներկայացուցիչների հայտարարությունից երևում է, որ կողմերը տրամագծորեն հակառակ են գնահատում իրավիճակը և միմյանց են մեղադրում կատարվածի մեջ:
«Ռուսաստանը շփման մեջ է թե՛ Հայաստանի, թե՛ Ադրբեջանի հետ՝ իրավիճակը խաղաղ հուն տեղափոխելու համար», - ասել է նա։
Премьер-министр Никол Пашинян на заседании Парламента Армении (24 августа 2021). Еревaн - Sputnik Արմենիա, 1920, 17.11.2021
Եթե նույնիսկ հակառուսական հիստերիա կա, դրա հեղինակն իշխող մեծամասնությունը չէ. Փաշինյան
Նա հիշեցրել է, որ երեկ Ռուսաստանի նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ, ինչպես նաև Ռուսաստանի պաշտպանության նախարար Սերգեյ Շոյգուն խոսել է հայ և ադրբեջանցի գործընկերների հետ: Այդ միջնորդական ջանքերի արդյունքում մարտերը երեկ երեկոյից դադարել են։
«Լարվածության թուլացման նպատակով համատեղ աշխատանքը շարունակվում է։ Մենք կոչ ենք անում երկու կողմին էլ զսպվածություն ցուցաբերել, նոր միջադեպեր թույլ չտալ ու բոլոր վեճերը լուծել բացառապես քաղաքական-դիվանագիտական ճանապարհով: Պատրաստ ենք հետագայում ևս աջակցել կողմերին՝ ի շահ տարածաշրջանում խաղաղության և կայունության», - եզրափակել է նա։
Զախարովան նշել է, որ ընթացիկ իրադարձությունները ևս մեկ անգամ հաստատել են հայ-ադրբեջանական սահմանի սահմանազատման ու սահմանագծման գործընթացի շուտափույթ գործարկման անհրաժեշտությունը:
Նիկոլ Փաշինյանը պնդում է` հետևողականորեն գնալու են խաղաղ զարգացման դարաշրջան բացելու
Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։
Դրանից հետո տեղային մարտեր էին սկսվել։
Արդյունքում հայկական կողմը 2 մարտական դիրք կորցրեց, ՀՀ պաշտպանական գերատեսչությունը հայտնեց 12 հայ զինծառայողի գերեվարման և մեկ զոհի մասին:
Նոյեմբերի 16–ին` ժ. 18։30–ի սահմաններում, ռուսական կողմի միջնորդությամբ կրակը դադարեցվեց։
Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի արդյունքում թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала