https://arm.sputniknews.ru/20211117/patgamavvornery-verjin-2-tarum-2-angam-en-pargevatrvel-papvojany-da-nvormal-e-hamarum-35440701.html
Պատգամավորները վերջին 2 տարում 2 անգամ են պարգևատրվել. Պապոյանը դա նորմալ է համարում
Պատգամավորները վերջին 2 տարում 2 անգամ են պարգևատրվել. Պապոյանը դա նորմալ է համարում
Sputnik Արմենիա
Իշխանական պատգամավորը շեշտեց, որ պետական համակարգի 20 000 աշխատակիցները և ԱԺ աշխատակազմը` վարորդից ու մաքրուհիներից մինչև պատգամավորների օգնականներ ու... 17.11.2021, Sputnik Արմենիա
2021-11-17T13:48+0400
2021-11-17T13:48+0400
2021-11-17T13:54+0400
գևորգ պապոյան
պարգևատրում
հայաստան
աժ (ազգային ժողով)
«քաղաքացիական պայմանագիր» կուսակցություն
պատգամավոր
անկախության օր
https://cdn.am.sputniknews.ru/img/2227/76/22277625_0:0:1600:900_1920x0_80_0_0_927ce5b79d939bc7a71d2d3743adf483.jpg
ԵՐԵՎԱՆ, 17 նոյեմբերի – Sputnik. ՀՀ ԱԺ պատգամավորները վերջին անգամ ամենամսյա պարգևատրում ստացել են 2020թ–ի փետրվարին։ Այս մասին այսօր ԱԺ–ում, 2022թ.–ի բյուջեի քննարկման ժամանակ, հայտնեց Ֆինանսավարկային եւ բյուջետային հարցերի մշտական հանձնաժողովի նախագահ, ՔՊ անդամ Գևորգ Պապոյանը։«Դրանից հետո կորոնավիրուսի և պատերազմի, հետպատերազմյան իրավիճակի պատճառով չեն ստացել։ Ընթացիկ, կարծեմ, մեկ կամ երկու անգամ, Անկախության տոնի առթիվ ստացել են, ինչը նորմալ է»,– ասաց Պապոյանը։Որպես հիմնավորում` պատգամավորը հիշեց, որ մինչ խորհրդարան գալն աշխատել է պետական ապարատում ու դասախոսել է, և երկու դեպքում էլ պարբերաբար պարգևավճարներ է ստացել։Նա նաև շեշտեց, որ պետական համակարգի 20 000 աշխատակիցները և ԱԺ աշխատակազմը` վարորդից ու մաքրուհիներից մինչև պատգամավորների օգնականներ ու վարչության պետեր, պարգևատրումներ են ստանում ամեն ամիս։Հիշեցնենք` սեպտեմբերի 17-ին Ազգային ժողովի նախագահի տեղակալ, «Հայաստան» խմբակցության անդամ Իշխան Սաղաթելյանը հայտարարել էր, որ ԱԺ բոլոր պատգամավորները պարգևավճարներ են ստացել։ Սաղաթելյանը նշել էր, որ «Հայաստան» խմբակցությունը չի վերցնելու գումարը` կա՛մ վերադարձնելու է ՀՀ պետական բյուջե, կա՛մ որևէ ծրագիր է իրականացնելու ՀՀ սահմանամերձ մարզերում։Պարգևավճարից հրաժարվելու հայտարարություն արեց նաև ԱԺ «Պատիվ ունեմ» խմբակցությունը, նշելով, որ խմբակցության պատգամավորները չեն կարող լինել այն ազգընտիր պատգամավորների շարքում, որոնք շարունակում են ստանալ պարգևավճարներ, ապրել սովորական կյանքով՝ կարծես ոչինչ տեղի չի ունեցել:«Քաղաքացիական պայմանագիր» խմբակցության անդամ Հերիքնազ Տիգրանյանն էլ ասել էր, որ պարգևավճարները «սիմվոլիկ գումար» են ու տրվել են Անկախության տոնի առթիվ։«Սիմվոլիկ» գումարի չափն ավելի ուշ բացահայտեց «Հայաստան» խմբակցության պատգամավոր Գեղամ Մանուկյանը` հայտարարելով, որ իր պարգևավճարը կազմել է 381 420 դրամ։Նշենք, որ ԱԺ պատգամավորի աշխատավարձը ամսական 661 400 դրամ է, այսինքն` ստացած պարգևավճարը աշխատավարձի 50 տոկոսից ավելին է։
https://arm.sputniknews.ru/20211005/pargevavtsharneri-harcvov-hajastan-khmbakcutjuny-dimum-e-sahmanadrakan-dataran-33953184.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գևորգ պապոյան, պարգևատրում, հայաստան, աժ (ազգային ժողով), «քաղաքացիական պայմանագիր» կուսակցություն, պատգամավոր, անկախության օր
գևորգ պապոյան, պարգևատրում, հայաստան, աժ (ազգային ժողով), «քաղաքացիական պայմանագիր» կուսակցություն, պատգամավոր, անկախության օր
Պատգամավորները վերջին 2 տարում 2 անգամ են պարգևատրվել. Պապոյանը դա նորմալ է համարում
13:48 17.11.2021 (Թարմացված է: 13:54 17.11.2021) Իշխանական պատգամավորը շեշտեց, որ պետական համակարգի 20 000 աշխատակիցները և ԱԺ աշխատակազմը` վարորդից ու մաքրուհիներից մինչև պատգամավորների օգնականներ ու վարչության պետեր, պարգևատրումներ են ստանում ամեն ամիս։
ԵՐԵՎԱՆ, 17 նոյեմբերի – Sputnik. ՀՀ ԱԺ պատգամավորները վերջին անգամ ամենամսյա պարգևատրում ստացել են 2020թ–ի փետրվարին։ Այս մասին այսօր ԱԺ–ում, 2022թ.–ի բյուջեի քննարկման ժամանակ, հայտնեց Ֆինանսավարկային եւ բյուջետային հարցերի մշտական հանձնաժողովի նախագահ, ՔՊ անդամ Գևորգ Պապոյանը։
«Դրանից հետո կորոնավիրուսի և պատերազմի, հետպատերազմյան իրավիճակի պատճառով չեն ստացել։ Ընթացիկ, կարծեմ, մեկ կամ երկու անգամ, Անկախության տոնի առթիվ ստացել են, ինչը նորմալ է»,– ասաց Պապոյանը։
Որպես հիմնավորում` պատգամավորը հիշեց, որ մինչ խորհրդարան գալն աշխատել է պետական ապարատում ու դասախոսել է, և երկու դեպքում էլ պարբերաբար պարգևավճարներ է ստացել։
«Դա ոչ միայն պետական համակարգին է բնորոշ, այլև մասնավոր համակարգին, որտեղ արդյունքային ցուցանիշների առումով` սեփական աշխատակիցների ոգևորելու, մոտիվացնելու համար այդպիսի ընթացիկ պարգևատրումներ կարող են լինել։ Բայց պատգամավորները վերջին 2 տարում 2 անգամ են պարգևատրում ստացել` Անկախության տոնին»,– ասաց Պապոյանը։
Նա նաև շեշտեց, որ պետական համակարգի 20 000 աշխատակիցները և ԱԺ աշխատակազմը` վարորդից ու մաքրուհիներից մինչև պատգամավորների օգնականներ ու վարչության պետեր, պարգևատրումներ են ստանում ամեն ամիս։
Հիշեցնենք` սեպտեմբերի 17-ին Ազգային ժողովի նախագահի տեղակալ, «Հայաստան» խմբակցության անդամ
Իշխան Սաղաթելյանը հայտարարել էր, որ ԱԺ բոլոր պատգամավորները պարգևավճարներ են ստացել։ Սաղաթելյանը նշել էր, որ «Հայաստան» խմբակցությունը չի վերցնելու գումարը` կա՛մ վերադարձնելու է ՀՀ պետական բյուջե, կա՛մ որևէ ծրագիր է իրականացնելու ՀՀ սահմանամերձ մարզերում։
Պարգևավճարից հրաժարվելու հայտարարություն արեց նաև ԱԺ «Պատիվ ունեմ» խմբակցությունը, նշելով, որ խմբակցության պատգամավորները չեն կարող լինել այն ազգընտիր պատգամավորների շարքում, որոնք շարունակում են ստանալ պարգևավճարներ, ապրել սովորական կյանքով՝ կարծես ոչինչ տեղի չի ունեցել:
«Քաղաքացիական պայմանագիր» խմբակցության անդամ Հերիքնազ Տիգրանյանն էլ ասել էր, որ պարգևավճարները «սիմվոլիկ գումար» են ու տրվել են Անկախության տոնի առթիվ։
Նշենք, որ ԱԺ պատգամավորի աշխատավարձը ամսական 661 400 դրամ է, այսինքն` ստացած պարգևավճարը աշխատավարձի 50 տոկոսից ավելին է։
