Ապօրինի ընդերքօգտագործմամբ պետությանը պատճառված 20 միլիոն դրամի վնասը վերականգնվել է

Բաց հանքավայր - Sputnik Արմենիա, 1920, 18.11.2021
Բաժանորդագրվեք
Չի կատարվել շահագործված տարածքի հողերի ռեկուլտիվացիա, այսինքն` լանդշաֆտի վերականգնման նպատակով շահագործված տարածքը չի ծածկվել հողաշերտով։
ԵՐԵՎԱՆ, 18 նոյեմբերի – Sputnik. Օթևան համայնքի տարածքում ապօրինի ընդերքօգտագործմամբ պետությանը պատճառված շուրջ 20 միլիոն դրամի վնասը վերականգնվել է։ Տեղեկությունը հայտնում է դատախազությունը` մանրամասներ հայտնելով քրեական օրենսգրքի 290-րդ հոդվածի 1-ին մասով (հողը փչացնելը) հարուցված քրեական գործի նախաքննությունից։
Վերականգնվել է պետությանը պատճառված վնասից 566 մլն դրամը. ԱԱԾ–ն մանրամասներ է հայտնել
Ըստ այդմ, պարզվել է, որ «N» ՍՊ ընկերության՝ որոշումներ կայացնելու իրավասությամբ օժտված պատասխանատու անձինք ընկերությանը տրամադրված՝ Արագածոտնի Օթևան համայնքի վարչական տարածքի 6.8 հա հողատարածքում օգտակար հանածոների արդյունահանման նպատակով տուֆերի երևակման հատվածում իրականացրել է երկրաբանական ուսումնասիրություն:
«Ընկերությունը խախտել է երկրաբանական ուսումնասիրության ընդերքօգտագործման պայմանագրի մի քանի կետեր և ՀՀ հողային օրենսգրքի պահանջները: Մասնավորապես, թույլատրված 300 խմ ծավալով փորձնական հանույթի աշխատանքների փոխարեն ընկերությունը տարածքում քանդել և տեղահանել է լեռնային զանգված։ Բացի այդ, չի կատարել շահագործված տարածքի հողերի ռեկուլտիվացիա, այսինքն` լանդշաֆտի վերականգնման նպատակով շահագործված տարածքը չի ծածկել հողաշերտով»,–նշված է հաղորդագրության մեջ։
Село Драхтик в Гегаркуникской области - Sputnik Արմենիա, 1920, 08.11.2021
Կոտայքի համայնքներին 36.2 մլն դրամի վնաս է պատճառվել. մեղադրվում են նախկին համայնքապետները
Այս ամենի հետևանքով դեգրադացվել է գյուղատնտեսական նշանակության հողը՝ արոտավայրը, և պետությանը պատճառվել է ընդհանուր 19.5 մլն դրամի չափով վնաս: Գումարը վերականգնվել է։
Քրեական գործով շարունակվող նախաքննությամբ միջոցներ են ձեռնարկվում հողերի դեգրադացման հանգամանքները լիարժեք պարզելու, դրանց համար պատասխանատու անձանց արարքներին վերջնական իրավական գնահատականներ տալու ուղղությամբ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала