Առաջիկա երկու օրվա ընթացքում ամենագնացներ կտեղափոխենք Սյունիք. ԱԻ նախարար

© Sputnik / Aram NersesyanРемонтно-строительные работы на альтернативной дороге в Сюнике
Ремонтно-строительные работы на альтернативной дороге в Сюнике - Sputnik Արմենիա, 1920, 18.11.2021
Բաժանորդագրվեք
Անդրանիկ Փիլոյանը նշում է, որ այժմ ԱԻՆ–ի մեքենաներն են օգնում Սյունիքի մի քանի գյուղերի բնակիչներին` ապահովելով նրանց կենսական կարիքները։
ԵՐԵՎԱՆ, 18 նոյեմբերի – Sputnik. Արտակարգ իրավիճակների նախարարությունը Գորիս–Կապան, Կապան–Ճակատեն ավտոճանապարհների հատվածում առաջիկում ևս երկու տաքացման կետ կտեղադրի։ Կառավարության նիստից հետո լրագրողների հետ ճեպազրույցում հայտնեց ԱԻ նախարար Անդրանիկ Փիլոյանը։
«Շուռնուխում արդեն 1 տարի է ունենք տաքացման մեկ կետ, և մեր աշխատակիցներն աջակցում են շուռնուխցիներին։ Երեկ Աղավնոյի հատվածում էլ տաքացման կետ ենք տեղադրել։ Տաքացման կետեր ենք նախատեսել տեղադրել Վերին Խոտանան գյուղի հատվածում և Տաթևից Կապան գնացող մայրուղու հատվածում։ Այդ տաքացման կետերում լինելու են առաջին բուժօգնության միջոցներ»,–ասաց նախարարը։
Ремонтно-строительные работы на альтернативной дороге в Сюнике - Sputnik Արմենիա, 1920, 15.11.2021
Ինչ տեսք ունեն Գորիսի ու Կապանի միջև մեկուսացված գյուղեր տանող այլընտրանքային ճանապարհները
Բացի այդ, ըստ Փիլոյանի, առաջիկա երկու օրվա ընթացքում ամենագնացներ կտեղափոխեն այդ հատված, որոնց միջոցով կկարողանա խցանումների ժամանակ մարդկանց օգնել` առաջին օգնություն ցուցաբերել, տաքացման կետ տեղափոխել։ Իսկ վթարների ժամանակ մեքենաներին տեղից կհեռացնեն քարշակները։
Նախարարը նշեց նաև, որ այժմ ԱԻՆ–ի մեքենաները Սյունիքի մարզի Բարձրավան, Որոտան, Շուռնուխ հատվածում մշտապես աշխատում են, օգնում բնակիչներին` ապահովելով նրանց կենսական կարիքները։
Հիշեցնենք, որ ադրբեջանցիները անցակետեր են տեղադրել Գորիս-Կապան ու Ճակատեն-Կապան ճանապարհներին։ Դրանից հետո Բարձրավան, Շուռնուխ և Որոտան գյուղերը գրեթե մեկուսացման մեջ են հայտնվել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала