Հայ գերիներից մեկը վիրավոր է, նրան վիրահատելու են Բաքվում. Բորիս Ավագյան

© Photo : official site of the MoD of RAՄարտական դիրք. արխիվային լուսանկար
Մարտական դիրք. արխիվային լուսանկար - Sputnik Արմենիա, 1920, 18.11.2021
Բաժանորդագրվեք
Նախկին պաշտոնյայի խոսքով՝ ադրբեջանցիները համաձայնել են փոխանցել վիրավորին վիրահատությունից հետո։
Երևան, 18 նոյեմբերի - Sputnik. Ադրբեջանում հայ ռազմագերիների թվում կա մեկ վիրավոր, որը պետք է վիրահատվի։ Տեղեկությունը հայտնում է «Փաստինֆոն»՝ վկայակոչելով Արցախի արտակարգ իրավիճակների պետական ծառայության պետի նախկին տեղակալ Բորիս Ավագյանին։
Ավելի վաղ ՀՀ պաշտպանության նախարարությունը հայտնել էր, որ նոյեմբերի 16-ին Սյունիքում տեղի ունեցած հայ-ադրբեջանական բախումների հետևանքով 13 զինծառայող է գերեվարվել։
Ըստ Ավագյանի՝ այդ 13 զինվորականներից մեկը վիրավոր է, և քանի որ նրան այդ վիճակում հնարավոր չէ Հայաստան տեղափոխել, որոշվել է միջամտությունն իրականացնել Ադրբեջանում:

«Որքան գիտեմ` պայմանավորվածություն է ձեռք բերվել զինվորին վիրահատել, առողջական վիճակը կայունացնել, որպեսզի թույլատրելի լինի նրա տեղափոխումը։ Ադրբեջանական կողմը խոստացել է ռուսական կողմին վերադարձնել զինծառայողին»,- նշել է Ավագյանը։

Նա հավելել է, որ բանակցություններ են ընթանում բոլոր 13 ռազմագերիներին վերադարձնելու ուղղությամբ։
Արխիվային լուսանկար - Sputnik Արմենիա, 1920, 17.11.2021
Թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի. ՀՀ ՊՆ
Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ Դրանից հետո տեղային մարտեր էին սկսվել։
Նոյեմբերի 16–ին` ժամը 22։30–ի սահմանում, ռուսական կողմի միջնորդությամբ կրակը դադարեցվեց։
Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի հետևանքով թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։
Նույն օրը ՌԴ հարավային ռազմական օկրուգի հրամանատարի տեղակալ, գեներալ-լեյտենանտ Ռուստամ Մուրադովի միջնորդությամբ, հատուկ չվերթով Բաքվից Երևան տեղափոխվեց նոյեմբերի 16-ի ադրբեջանական սադրանքի հետևանքով ծավալված մարտերի մասնակից Տարոն Ջիվանի Սահակյանի մարմինը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала