Դեկտեմբերի 1-ից ՀՀ չպատվաստված քաղաքացիները պետք է շաբաթը մեկ ՊՇՌ-թեստ հանձնեն. որոշում

Թեստի հանձնում - Sputnik Արմենիա, 1920, 19.11.2021
Թեստի հանձնում. Արխիվային լուսանկար
Բաժանորդագրվեք
Առողջապահության նախարարությունում չեն բացառում, որ դեկտեմբերին նաև այլ քովիդ-սահմանափակումներ կընդունվեն։
ԵՐԵՎԱՆ, 19 նոյեմբերի - Sputnik. Հայաստանում դեկտեմբերի 1-ից ուժի մեջ կմտնի պահանջը, ըստ որի պատվաստում չանցած քաղաքացիները պետք է շաբաթը մեկ անգամ ՊՌՇ-թեստերի պատասխան ներկայացնեն գործատուներին: Sputnik Արմենիայի թղթակցի հետ զրույցում տեղեկությունը հայտնեց առողջապահության նախարարության մամուլի քարտուղար Հռիփսիմե Խաչատրյանը։
Մինչ այս ՀՀ առողջապահության նախարարի որոշման փոփոխությունը` ՊՇՌ թեստերի տրամադրման ժամկետները 14-ից մինչև 7 օր կրճատելու մասին, քննարկման փուլում էր:
Շարժական կետ - Sputnik Արմենիա, 1920, 15.11.2021
ՀՀ–ում կորոնավիրուսի դեմ ավելի քան մեկ միլիոն պատվաստում է կատարվել
«Հրամանի նախագիծը շրջանառության մեջ է դրվել և հաստատվել։ Դեկտեմբերի 1-ից գործատուին ՊՇՌ թեստի պատասխանի տրամադրման ժամկետը կրճատվում է 14-ից մինչև 7 օր», - ասաց Խաչատրյանը։
Նա չի բացառել, որ ապագայում նոր սահմանափակումներ կմտցվեն։ Առայժմ դրանք քննարկվում են, դրանց վերաբերյալ վերջնական որոշման մասին հայտնի կդառնա դեկտեմբերին։
Վարակաբանն ասել է` որն է Covid-19–ից պաշտպանվելու համար հակամարմինների բավարար մակարդակը
Հիշեցնենք, որ ՀՀ առողջապահության նախարար Անահիտ Ավանեսյանի նախկին հրամանով հաստատվել էր, որ հոկտեմբերի 1-ից ՀՀ բոլոր աշխատող քաղաքացիները պարտավոր են գործատուին տրամադրել կա՛մ COVID-19-ի դեմ պատվաստում անցնելու մասին տեղեկանք, կա՛մ յուրաքանչյուր 14 օրը մեկ անգամ ներկայացնել ՊՇՌ թեստի պատասխան։ Թեստը պետք է արված լինի փաստաթղթի ներկայացումից առավելագույնը 72 ժամ առաջ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала