«Դիմել ենք ՌԴ–ին, որպեսզի ՀՀ տարածքի ամբողջականությունը վերականգնվի». Աղաջանյան

© Sputnik / Aram NersesyanԷդուարդ Աղաջանյան
Էդուարդ Աղաջանյան - Sputnik Արմենիա, 1920, 19.11.2021
Էդուարդ Աղաջանյան
Բաժանորդագրվեք
Էդուարդ Աղաջանյանը վստահեցնում է, որ ՀՀ տարածքային ամբողջականությունը կվերականգնվի սահմանազատման աշխատանքների ավարտից հետո։
ԵՐԵՎԱՆ, 19 նոյեմբերի – Sputnik. Հայաստանը ռազմական աջակցություն ստանալու համար դիմել է Ռուսաստանին, որպեսզի վերականգնվի ՀՀ տարածքի ամբողջականությունը։ Այսօր խորհրդարանական ճեպազրույցների ժամանակ հայտարարեց «Քաղաքացիական պայմանագիր» խմբակցության պատգամավոր, արտաքին հարաբերությունների մշտական հանձնաժողովի նախագահ Էդուարդ Աղաջանյանը։
«Ակնկալվում է, որ սահմանազատման և սահմանագծման արդյունքում այդ խնդիրը կլուծվի, և ՀՀ տարածքային ամբողջականությունը կվերականգնվի։ ՌԴ ռազմական օգնությունն ինքնանպատակ չէ»,–ասաց Աղաջանյանը։
Министерство иностранных дел России - Sputnik Արմենիա, 1920, 17.11.2021
Ռուսաստանը լուրջ է վերաբերվում իր պարտավորություններին. Զախարովա
ԱԺ պաշտպանության ու անվտանգության հարցերի մշտական հանձնաժողովի նախագահ, ՔՊ անդամ Անդրանիկ Քոչարյանն էլ հայտնեց, որ Հայաստան–Ռուսաստան ռազմաքաղաքական համաձայնագրի հիման վրա ՌԴ–ն նույնիսկ հայկական կողմի` իրեն չդիմելու արդյունքում պետք է երկու երկրների համագործակցությունն իրականություն դարձներ։
Քոչարյանը նշեց, թե վերջին օրերին շահարկումներ են գնում, որ մենք պահանջներ ենք ներկայացնում ՌԴ–ին, սակայն իրականում ուզում ենք, որ վերոհիշյալ պայմանագրի բոլոր կետերը ժամանակին իրականություն դառնան։
Հիշեցնենք, որ ՀՀ անվտանգության խորհրդի քարտուղար Արմեն Գրիգորյանը դեռ նոյեմբերի 16-ին հայտարարել էր` քանի որ Ադրբեջանը հարձակվել է Հայաստանի տարածքի վրա, դիմում ենք Ռուսաստանի Դաշնությանը ՀՀ և ՌԴ միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։ Նա նշել էր, որ դա բանավոր դիմում է, որը նաև գրավոր ընթացակարգ է ունենալու։
Միրզոյանն ու Զասը քննարկել են ՀԱՊԿ գործիքակազմի շրջանակում հնարավոր քայլերը
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала