ԵԱՏՄ-ում հաստատվել է մետաղագործական ձեռնարկությունները հումքով ապահովելու ծրագիրը

© Sputnik / Михаил ВоскресенскийՄետաղաջարդոն
Մետաղաջարդոն - Sputnik Արմենիա, 1920, 19.11.2021
Մետաղաջարդոն. Արխիվային լուսանկար
Բաժանորդագրվեք
ԵԱՏՄ-ում մետաղական ջարդոնի բավարար պաշարներ կան, պետք է միայն կազմակերպել դրա արդյունավետ հավաքումն ու լոգիստիկան։
ԵՐԵՎԱՆ, 19 նոյեմբերի - Sputnik. Եվրասիական միջկառավարական խորհրդի նիստում ընդունվել է ԵԱՏՄ պետությունների մետաղագործական ձեռնարկությունների հումքային ապահովման միջոցառումների ծրագիրը2021-2024 թվականների համար։ Տեղեկությունը հայտնում է ԵԱՏՀ արդյունաբերության ու ագրոարդյունաբերական համալիրի մամուլի քարտուղարությունը:
«Մետալուրգիական ձեռնարկությունների հումքային ապահովման հարցը շատ զգայուն է մեր բոլոր երկրների համար։ Ներկայումս ԵԱՏՄ-ում պողպատի շուրջ 1/3-ը արտադրվում է ջարդոնի օգտագործմամբ», - ընդգծեց ԵԱՏՀ արդյունաբերության և ագրոարդյունաբերական համալիրի հարցերով նախարար Արտակ Քամալյանը:
Նիկոլ Փաշինյան - Sputnik Արմենիա, 1920, 19.11.2021
Հայաստանի առևտուրը ՌԴ-ի հետ աճել է 27%-ով, Ղազախստանի հետ՝ գրեթե 90%-ով. Փաշինյան
Հանձնաժողովն իրականացրել է միության մետաղների ջարդոնի և ջարդոնի ընդհանուր շուկայում ստեղծված իրավիճակի համալիր վերլուծություն։ Արդյունքը հետևյալն է՝ ԵԱՏՄ-ում փաստացի մետաղի ջարդոնի պակաս չկա, այսինքն՝ ջարդոնի պաշարները բավարար են, անհրաժեշտ է միայն կազմակերպել դրա արդյունավետ հավաքումը և լոգիստիկան:
Նա նշեց, որ ջարդոնի օգտագործմամբ մետաղի արտադրությունը թույլ է տալիս էականորեն կրճատել ածխաթթու գազի արտանետումները, ուստի հաստատված ծրագիրը նույնպես համաձայնեցվում է ընթացիկ գլոբալ կլիմայական օրակարգին, որի շուրջ այժմ ԵԱՏՀ հարթակում ընդհանուր մոտեցումներ են ձևավորվում: «Միջոցառումների ծրագրի իրականացումը թույլ կտա համալիր կերպով լուծել միության պետությունների մետաղագործական ձեռնարկությունների հումքային ապահովման խնդիրը», - ավելացրեց Քամալյանը:
Հիշեցնենք, որ Եվրասիական միջկառավարական խորհրդի նիստը Երևանում անցկացվում է նոյեմբերի 18-19-ը։
ԵԱՏՄ-ն միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала