Գերությունից վերադարձածների հետ աշխատանքի հատուկ ձև կա. ԱԱԾ պահեստազորի սպաների առաջարկը

© Sputnik / Aram NersesyanԱրխիվային լուսանկար
Արխիվային լուսանկար - Sputnik Արմենիա, 1920, 19.11.2021
Բաժանորդագրվեք
ԱԱԾ պահեստազորի սպաներն այս առիթով մեջբերել են իսրայելական պատմությունը` դա որակելով որպես չափազանց կարևոր հուշում:
ԵՐԵՎԱՆ, 19 նոյեմբերի – Sputnik. Ազգային անվտանգության ծառայությունը պետք է ստեղծի առանձին ստորաբաժանում, որը կհամակարգի գերիների հետ առնչվող բոլոր խնդիրները: Նման հայտարարությամբ է հանդես եկել ԱԱԾ պահեստազորի սպաների միությունը։
Ամիսներ առաջ ադրբեջանական գերության մեջ հայտնված մեր քաղաքացիներին ևս մեկ-երկու ամիս դիմանալու հորդորով դիմած Նիկոլ Փաշինյանը ցավոտ այս թեմային երկրորդ անգամ անդրադարձավ խորհրդարանական վերջին հարցուպատասխանի ժամանակ:
«Պետք ա քննվի` ինչ ա նշանակում, գերի ընկնել, ինչ հանգամանքներում... Զինվորական կանոնագրերը հստակ սահմանում են, թե որ դեպքում ա, որ գերի ընկնելը չի համարվում հանցագործություն»:
Արամ Վարդևանյան - Sputnik Արմենիա, 1920, 17.11.2021
Իրավական հիմք չի կարող լինել. Վարդևանյանը` գերիների վերաբերյալ Փաշինյանի խոսքերի մասին
ԱԱԾ պահեստազորի սպաներին չափազանց մտահոգել է պետության ղեկավարի այսօրինակ մոտեցումը։

«Գերության մեջ հայտնվելուց հետո հայրենիք վերադարձածների հետ աշխատանքի հայտնի ձևեր կան: Հաշվի առնելով խնդրի մասշտաբայնությունն ու դրա առանձնակի լրջության մարտավեր լինելը` պետությունը նախևառաջ ունի, պարտավոր է ունենալ իր քաղաքացիներին հայրենիք վերադարձնելու առաջնահերթ պարտավորություն»,–ասվում է ԱԱԾ պահեստազորի սպաների միության հայտարարության մեջ։

Պահեստազորի սպաներն այս առիթով մեջբերել են իսրայելական պատմությունը` դա որակելով որպես չափազանց կարևոր հուշում:
Էդուարդ Աղաջանյան - Sputnik Արմենիա, 1920, 19.11.2021
Իրավական գործընթաց է պետք` հասկանալու` ինչպես են գերիները հայտնվել Ադրբեջանում. Աղաջանյան
«2006թ. պաղեստինցիները գերեվարեցին Իսրայելի բանակի կապրալ Գիլադ Շալիտին։ Նա դիմադրություն ցույց չէր տվել իրեն առևանգողներին, իր զինակից ընկերներին սպանողներին, հերոս չէր․․․․ Սակայն կապրալին ազատելու համար Իսրայելը մի քանի անգամ մարտական գործողություններ սկսեց Պաղեստինի դեմ, խառնեց ամբողջ աշխարհը։ Կապրալին տուն դարձնելու համար Իսրայելը գնաց ընդհուպ 1027 պաղեստինցի բանտարկյալի ազատ արձակելու քայլին»,–ասվում է հայտարարության մեջ։
Պահեստազորի սպաները հուշում են, որ իսրայելական բանակի հզորությունը հենց սրանից է գալիս, և որ պետությունը պարտավոր է հնարավորն ու անհնարինն անել թշնամու ձեռքում նույնիսկ մեկ զինվոր չթողնելու համար:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала