Հայաստանի քաղաքացիները կկարողանան վարկեր ստանալ Ռուսաստանից ու ԵԱՏՄ այլ երկրներից

Բանկային քարտ - Sputnik Արմենիա, 1920, 19.11.2021
Բանկային քարտ
Բաժանորդագրվեք
Մոտ ժամանակներս ԵԱՏՄ երկրները կսկսեն վարկային պատմությունների մասին տվյալներ փոխանակել։
ԵՐԵՎԱՆ, 19 նոյեմբերի - Sputnik. Եվրասիական տնտեսական միության քաղաքացիները վարկերի համար դիմելու դեպքում հավասար հնարավորություններ կստանան միավորման ամբողջ տարածքում։ Տեղեկությունը հայտնեց Ռուսաստանի վարչապետ Միխայիլ Միշուստինը Եվրասիական միջկառավարական խորհրդի ընդլայնված կազմով նիստում:
Համապատասխան համաձայնագիրը ստորագրվել է այսօր Երևանում։
«Հնգյակի» քաղաքացիները վարկեր ստանալու համար դիմելիս հավասար հնարավորություններ կստանան ամբողջ միության տարածքում։ Ընդ որում՝ բանկերը կկարողանան ստուգել իրենց հաճախորդի պատմությունը՝ անկախ նրա քաղաքացիությունից ու, վերլուծելով ռիսկերը, համապատասխան որոշումներ կայացնել վարկերի տրամադրման մասին», - ասաց Միշուստինը:
Նիկոլ Փաշինյան - Sputnik Արմենիա, 1920, 19.11.2021
Հայաստանի առևտուրը ՌԴ-ի հետ աճել է 27%-ով, Ղազախստանի հետ՝ գրեթե 90%-ով. Փաշինյան
Մոտ ժամանակներս միության հանրապետությունների կենտրոնական բանկերը կհաստատեն վարկային պատմությունների ազգային բյուրոներում պահվող տվյալների փոխանակման տեխնիկական կանոնները:
Այս տվյալները պետք է պաշտպանության բարձր աստիճան ունենան: Արդյունքում միության հանրապետություններից մեկի ռեզիդենտները կարող են վարկի համար դիմել մնացած չորս երկրների բանկեր։ Բանկերը կարող են ստուգել նրանց վարկային պատմություններն ու վարկավորման մասին որոշումներ կայացնել:
«Հեռավար վարկավորման պայմաններում անհրաժեշտ է զարգացնել ինտերնետ-բանկինգի մեխանիզմները, որոնք արդեն զարգանում են և՛ Ռուսաստանում, և՛ Ղազախստանում, և՛ մեր մյուս հանրապետություններում», - ավելացրեց Եվրասիական տնտեսական հանձնաժողովի տնտեսական և ֆինանսական քաղաքականության հարցերով նախարար Ռուսլան Բեկետաևը:
ԵԱՏՄ-ում հաստատվել է մետաղագործական ձեռնարկությունները հումքով ապահովելու ծրագիրը
Հիշեցնենք, որ Եվրասիական միջկառավարական խորհրդի նիստը Երևանում անցկացվում է նոյեմբերի 18-19-ը։
ԵԱՏՄ-ն միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала