Խոսքը զրոյական կետից սկսելու մասին է. Քոչարյանը` սահմանազատման ՌԴ-ի առաջարկի վերաբերյալ

© Sputnik / Aram NersesyanԱնդրանիկ Քոչարյան
Անդրանիկ Քոչարյան - Sputnik Արմենիա, 1920, 19.11.2021
Անդրանիկ Քոչարյան. Արխիվային լուսանկար
Բաժանորդագրվեք
Հայաստանն արդեն իսկ Ռուսաստանին գրավոր կերպով հայտնել է, որ համաձայն է սահմանազատման վերաբերյալ առաջարկին։
ԵՐԵՎԱՆ, 19 նոյեմբերի – Sputnik. Ռուսաստանի առաջարկը զրոյական կետից հայ-ադրբեջանական սահմանի սահմանազատման ու սահմանագծման վերաբերյալ է։ Այս մասին այսօր խորհրդարանական ճեպազրույցների ժամանակ հայտարարեց ԱԺ պաշտպանության ու անվտանգության հարցերի մշտական հանձնաժողովի նախագահ, ՔՊ անդամ Անդրանիկ Քոչարյանը։
Զինվորական սաղավարտներ - Sputnik Արմենիա, 1920, 19.11.2021
Այս պահի տվյալներով` հայկական կողմը 6 զոհ ունի. ՊՆ–ն անուններ է հրապարակել
Երեկ վարչապետ Նիկոլ Փաշինյանը հայտարարել էր, որ ՌԴ ՊՆ-ն դելիմիտացիայի ու դեմարկացիայի նախապատրաստական փուլի վերաբերյալ հանդես է եկել առաջարկություններով։ Փաշինյանը նշել էր` այդ առաջարկությունները մեզ համար ընդունելի են։
«Ես որոշ չափով տեղեկացված եմ այդ ամենից և կարող եմ ասել, որ խոսքը զրոյական կետից սկսելու մասին է։ ՀՀ–ն տվել է իր համաձայնությունը դրանց մասնակցելու համար»,–ասաց Քոչարյանը։
ՀՀ արևելյան սահմանագոտում էական միջադեպեր չեն գրանցվել
«Քաղաքացիական պայմանագիր» խմբակցության պատգամավոր Էդուարդ Աղաջանյանն էլ հավելեց` Ռուսաստանին գրավոր ծանուցվել է, որ Հայաստանը կողմ է առաջարկին։
Նրա խոսքով` այն պահին, երբ որոշակի տեխնիկական հարցերի վերաբերյալ համաձայնություն ձեռք կբերվի, ՀՀ–ն կսկսի հանձնաժողովի ձևավորման աշխատանքը և հետո կանցնի բուն աշխատանքներին։
Հարցին` ինչո՞ւ հանրությանը մանրամասներին տեղյակ չեն պահում, թե ինչ է իրենից ենթադրում սահմանազատման առաջարկը` ՔՊ–ական Արթուր Հովհաննիսյանը նշեց` այս պահին կարևոր է, որ սահմանազատման հարցով քննարկումները չխոչընդոտվեն։
«Մանավանդ մենք ունենք դեպքեր, երբ փաստաթղթերի արտահոսքեր են տեղի ունեցել` նման բաները գործընթացների վրա բացասական ազդեցություն են ունենում, և ՀՀ շահը չեն պաշտպանում»,–ասաց նա։
Անդրանիկ Քոչարյանն էլ հավելեց` այս դեպքում գաղտնիությունը խիստ անհրաժեշտ է, քանի որ այն առնչվում է նաև սահմանին ուժերի դասավորությանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала