«Չզրուցեցինք, բայց լավ մարդու տպավորություն թողեց». Մալխասը` ՌԴ վարչապետի ու երեկոյի մասին

© Sputnik / Asatur YesayantsԼևոն Մալխասյան
Լևոն Մալխասյան - Sputnik Արմենիա, 1920, 20.11.2021
Լևոն Մալխասյան
Բաժանորդագրվեք
ՌԴ վարչապետը «Մալխաս» ջազ ակումբ է այցելել հայ հայտնի ջազմեն Լևոն Մալխասյանի ստեղծագործությունները կենդանի կատարմամբ լսելու համար։ Ջազմենն ու ակումբի տնօրենը որոշ մանրամասներ են պատմել Sputnik Արմենիային։
ԵՐԵՎԱՆ, 21 նոյեմբերի – Sputnik. ՌԴ վարչապետ Միխայիլ Միշուստինը «Մալխաս» ջազ ակումբից տպավորված է գնացել: Տեղեկությունը Sputnik Արմենիայի հետ զրույցում հայտնեց ջազի լեգենդ, կոմպոզիտոր, ՀՀ ժողովրդական արտիստ Լևոն Մալխասյանը։
«Ժողովուրդ» օրաթերթն իր այսօրվա համարում գրել էր, որ ՌԴ վարչապետը երեկոն անցկացրել է երևանյան ակումբում։

«Ճիշտ է, չենք զրուցել, բայց շատ լավ մարդու տպավորություն թողեց։ Մոտ 2 ժամ մնաց, լսեց հա՛մ ինձ, հա՛մ մեր խմբին ու գնաց։ Հատուկ ծրագիր չէինք պատրաստել։ Սկզբում խումբը նվագեց, հետո ես նվագեցի»,– ասաց Մալխասյանը։

Ակումբում մեկ օր առաջ էին իմացել, որ ՌԴ վարչապետը ցանկանում է հայտնի ջազմենի ստեղծագործությունները լսել կենդանի կատարմամբ։ Համավարակային իրավիճակով պայմանավորված` բոլորը թեստավորվել էին։
«Մալխաս» ջազ ակումբի տնօրեն Կարեն Մկրտչյանը Sputnik Արմենիայի հետ զրույցում հայտնեց, որ այդ օրը ակումբը փակ է եղել, այլ հյուրեր չեն ունեցել, ՌԴ վարչապետից և նրան ուղեկցողներից բացի։
«Կարծում եմ` ամեն ինչ հավանեցին»,–ասաց տնօրենը։
Նա չցանկացավ մանրամասնել, թե հյուրերին կոնկրետ ինչ են հյուրասիրել` կատակելով, որ դա «իրենց գործն է»։
Հիշեցնենք` Միշուստինը Հայաստան էր եկել Եվրասիական միջկառավարական խորհրդի նիստի շրջանակում։
Միխայիլ Միշուստին - Sputnik Արմենիա, 1920, 19.11.2021
«Հա՞յ ես». ՌԴ վարչապետն իր հայերեն հարցով զարմացրեց Sputnik Արմենիայի լուսանկարչին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала