Фон для радио  - Sputnik Արմենիա, 1920
ՌԱԴԻՈ

Անպատասխան հարցեր. ովքե՞ր են այն իրանցիները, որ պատրաստվում են Սյունիքում ներդրումներ անել

Անպատասխան հարցեր. ովքե՞ր են իրանցի ներդրողները, որոնք պատրաստվում են Սյունիքում ներդրումներ անել
Բաժանորդագրվեք
Տնտեսագետ-վերլուծաբան Լիլիա Ամիրխանյանը Sputnik Արմենիայի հետ զրույցում անդրադարձել է օրերս էկոնոմիկայի նախարարի այն հայտարարությանը, թե իրանցի ներդրողները պատրաստվում են Սյունիքում մեծ ներդրումներ անել։
Սյունիքը, որտեղ հետպատերազմյան շրջանում անվտանգային հարցերը արդեն մեկուկես տարի է` հիմնարար լուծում չեն գտնում, ներդրումային գրավչության տեսանկյունից այդքան էլ հուսալի չի կարող լինել։ Sputnik Արմենիայի հետ զրույցում նման կարծիք հայտնեց «Հայացք» կիրառական քաղաքականության և հետազոտությունների վերլուծական կենտրոնի տնտեսագետ-վերլուծաբան Լիլիա Ամիրխանյանը։
«Մասնավոր կազմակերպությունների, մասնավորապես՝ օտարերկրյա ուղղակի ներդրումների համար Սյունիքում իրավիճակը բարվոք չէ»,- ասաց նա։
Իրանցի զինվորականները Պարսից ծոցում օտարերկրյա նավ են ձերբակալել
Իրավիճակը փոքր-ինչ այլ է, երբ խոսքը պետական մակարդակով իրականացվող ներդրումների մասին է, ինչպիսին, օրինակ, ԵՄ կողմից տրամադրվող 2.6 միլիարդ եվրոյի աջակցությունն է։ Նման դեպքերում, ըստ վերլուծաբանի, աջակցող կողմը քաղաքական խնդիր է լուծում։
«Դրանց մի մասն անհատույց աջակցություն է, մի մասը սուբսիդիաներն են, ենթակառուցվածներում, այդ թվում՝ նաև ներդրումները։ Պետական մակարդակով ներդրումների հարցում բավական մեծ է քաղաքական ենթատեքստը, այսինքն` պետք է հասկանալ, թե ինչ քաղաքական խնդիրներ են լուծվում, թե ինչի դիմաց է այդ ամենն արվում»,- նշեց Ամիրխանյանը։
Հայ–իրանական աշխատանքային խումբը Սյունիքում է - Sputnik Արմենիա, 1920, 19.11.2021
Հայ-իրանական աշխատանքային խումբն այցելել է Սյունիք
Ինչ վերաբերում է օրերս ՀՀ էկոնոմիկայի նախարար Վահան Քերոբյանի հայտարարությանը, թե իրանցիները պատրաստվում են Հայաստանում, մասնավորապես՝ Սյունիքում լուրջ ներդրումներ անել, վերլուծաբանը արձանագրում է, որ մենք դեռևս չունենք հստակեցում, թե իրանյան ներդրումների դեպքում հարևան պետության ներկայացուցիչ ներդրողներն ինչ գործունեություն են իրականացնելու, վերահսկողական ինչ մեխանիզմներ են սահմանվելու։
Նրա կարծիքով` սրանք հարցեր են, որոնց պատասխանները մենք չունենք։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала