Իրանական ընկերությունները Հայաստանում քիմիական ապրանքների և գրիչների արտադրություն կբացեն

© Sputnik / Aram NersesyanԱզատ տնտեսական գոտի
Ազատ տնտեսական գոտի - Sputnik Արմենիա, 1920, 21.11.2021
Բաժանորդագրվեք
Իրանական ընկերությունների հայտի քննարկումը վերջնական փուլում է։ Ըստ ամենայնի՝ նրանց աշխատանքի թույլտվություն կստանան արդեն կառավարության հաջորդ նիստին։
ԵՐԵՎԱՆ, 21 նոյեմբերի – Sputnik. Իրանական ընկերությունները Հայաստանում քիմիական ապրանքների և գրելու պարագաների արտադրություն կբացեն։ Այս մասին Sputnik Արմենիայի հետ զրույցում ասաց ՀՀ էկոնոմիկայի նախարար Վահան Քերոբյանը։
Ավելի վաղ նախարարը հայտարարել էր, որ Մեղրի ազատ տնտեսական գոտում՝ Իրանի հետ սահմանին, շուտով կարող են տեղակայվել առաջին ռեզիդենտները՝ իրանական ընկերությունները: Այժմ նա պարզաբանեց, որ բացվելու են մի քանի տարբեր արտադրություններ, այդ թվում՝ սարքաշինության, ինչպես նաև նշված երկու ուղղություններով (քիմիական ապրանքներ և գրիչներ): Այդ ընկերությունները հետաքրքրված են աշխատելու և Եվրասիական միության այլ երկրներ արտահանելու արտոնյալ հնարավորություններով, հավելել Է նախարարը:
Համավարակը մեծապես վնասել է սահմանի ազատ տնտեսական գոտու ծրագրերի իրականացմանը. Սաֆարյան
Աշխատուժը կներգրավվի Հայաստանից, քանի որ ընկերությունների հայտերում և կառավարության հետ նրանց բանակցություններում աշխատանքի թույլտվություն չի պահանջվել (իսկ Հայաստանում աշխատելիս Եվրասիական միությունից դուրս գտնվող երկրների քաղաքացիների համար նման թույլտվություն անհրաժեշտ է):
Իրանցի գործարարների հայտն արդեն քննարկվում է ՀՀ կառավարության միջգերատեսչական հանձնաժողովում և, ամենայն հավանականությամբ, կհաստատվի առաջիկա հինգշաբթի օրը՝ կառավարության նիստում:
Վահան Քերոբյանն այցելել է ազատ տնտեսական գոտի - Sputnik Արմենիա, 1920, 18.01.2021
Ազատ տնտեսական գոտին վերջապես կգործակվի՞․ էկոնոմիկայի նախարարն այցելել է Մեղրի
Նշենք, որ ավելի վաղ ազատ գոտու շուրջ վեճեր էին սկսվել հողի սեփականության թեմայով։ 2017թ․-ի դեկտեմբերին ազատ տնտեսական գոտին հիմնադրել է ՀՀ կառավարությունը, սակայն դրանից մի քանի ամիս առաջ՝ մարտին, հարակից տարածքում ԱՏԳ կազմակերպելու լիցենզիան տրամադրվել է անհատ ձեռնարակատեր Սարգիս Աղաբեկյանին։
«Ազատ գոտու հարևանությամբ տարածք կա, որի հետ կապված դատական գործընթացներ են ընթանում։ Բայց դա բիզնեսի համար խոչընդոտներ չի ստեղծում։ Իրանական ընկերությունները կտեղակայվեն մեր սեփականությունը հանդիսացող տարածքում։ Հետո, նոր ռեզիդենտ-ընկերությունների ի հայտ գալուն զուգահեռ մենք կարող ենք նրանց համար նոր տարածքներ տրամադրել համայնքային սեփականությունից»,-ավելացրեց Քերոբյանը։
Անպատասխան հարցեր. ովքե՞ր են այն իրանցիները, որ պատրաստվում են Սյունիքում ներդրումներ անել
«Մեղրի» ԱՏԳ-ն հանդիսավոր բացվել է 2017թ․-ին՝ այն ժամանակվա վարչապետ Կարեն Կարապետյանի ներկայությամբ, սակայն մինչև օրս ոչ մի ընկերություն չի տեղակայվել։
Հայաստանի այդ և մյուս ազատ տնտեսական գոտիների («Ալյանս» և «Մերիդիան») ռեզիդենտներն ազատվում են բոլոր հարկերից (բացի վարձու աշխատողների հարկից)։ Ընդ որում՝ ռեզիդենտ կարող են դառնալ միայն արտադրությամբ կամ լոգիստիկայով և արտահանմամբ զբաղվող ընկերությունները։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала