https://arm.sputniknews.ru/20211122/charchjani-arvoghjakan-vitshakn-usumnasirelu-harcvov-pvordzagetnery-gvortsi-en-ancel-pashtpan-35607036.html

Չարչյանի առողջական վիճակն ուսումնասիրելու հարցով փորձագետները գործի են անցել. պաշտպան

Չարչյանի առողջական վիճակն ուսումնասիրելու հարցով փորձագետները գործի են անցել. պաշտպան

Sputnik Արմենիա

Պրոֆեսոր Արման Չարչյանի փաստաբանը հայտնեց` ինչքան կտևի այդ փորձաքննությունը։ 22.11.2021, Sputnik Արմենիա

2021-11-22T14:21+0400

2021-11-22T14:21+0400

2021-11-22T14:58+0400

արմեն չարչյան

դատարան

բժիշկ

կալանավորել

հանձնաժողով

https://cdn.am.sputniknews.ru/img/07e5/06/16/28039884_0:0:1601:901_1920x0_80_0_0_3842087a3d0e5321a583a99474ebab9b.jpg

ԵՐԵՎԱՆ, 22 նոյեմբերի – Sputnik. Պրոֆեսոր, ՀՀ ԱԺ «Հայաստան» խմբակցության պատգամավոր Արմեն Չարչյանի դեմ հարուցված քրեական գործով պրոֆեսորի առողջական վիճակն ուսումնասիրելու հարցով փորձագետներն անցել են իրենց գործին։ Լրագրողների հետ զրույցում տեղեկությունը հայտնեց Չարչյանի պաշտպան Էրիկ Ալեքսանյանը։Հայտնել էինք, որ այսօր Երևանի ընդհանուր իրավասության դատարանում, դատավոր Վահե Միսակյանի նախագահությամբ, ընթացավ Չարչյանի դեմ քրգործով հերթական նիստը։ Չարչյանը ներկա էր նիստին, նրան ծափողջույններով դիմավորեցին։Թե ինչքան կտևի այդ փորձաքննությունը` հայտնի չէ, սակայն Ալեքսանյանը հույս հայտնեց, որ եզրակացությունը շուտ կլինի։ Նա նշեց, որ այդ եզրակացության միջոցով էլ հնարավորություն կլինի Չարչյանի խափանման միջոց կալանքը փոխելուն անդրադառնալ, քանի որ դատարանը հետաձգել է կալանքը փոխելու հարցը քննարկումը մինչև համապատասխան բժշկական եզրակացություն ստանալը։Հիշեցնենք, որ Արմեն Չարչյանի առողջական վիճակն ուսումնասիրող բժշկական հանձնաժողովն արդեն ստեղծված է։ Փորձագետները փաստաթղթային ուսումնասիրություն են անելու, ոչ թե փորձաքննություններ են իրականացնելու։ Այսինքն` բժիշկներն ուսումնասիրելու են Չարչյանի անցած ստուգումների հիման վրա տրամադրված փաստաթղթերը։Հիշեցնենք` հունիսի 18-ին համացանցում հայտնվեց մի ձայնագրություն, որում լսվում էր, թե ինչպես է Չարչյանը աշխատակիցներին հորդորում ԱԺ ընտրությանը մասնակցել` ակնարկելով չքվեարկել գործող իշխանությունների օգտին։ Նույն օրը Չարչյանը ձերբակալվեց։Հունիսի 21-ին Կենտրոնական ընտրական հանձնաժողովը թույլ տվեց քրեական հետապնդում սկսել Չարչյանի նկատմամբ։ Չարչյանը կալանավորվեց, ապա 15 մլն գրավի դիմաց ազատ արձակվեց։Օգոստոսի 23-ին Չարչյանը կրկին կալանավորվեց։Հոկտեմբերի 15-ին Էրիկ Ալեքսանյանը հայտնեց, որ «Վարդաշեն» քրեակատարողական հիմնարկում գտնվող պրոֆեսորի վիճակը ծանր է։

https://arm.sputniknews.ru/20211122/orenqum-bac-ka-charchjani-gvortsvov-pashtpany-mijnvordec-dimel-sd-35606250.html

2021

Լուրեր

am_HY

արմեն չարչյան, դատարան, բժիշկ, կալանավորել, հանձնաժողով